Анальгин 0,5 г № 10 табл
Тауарлардың көрінісі фотосуретте көрсетілгеннен өзгеше болуы мүмкін

Анальгин 0,5 г № 10 табл

Қолжетімділігі
Тауар қолда жоқ
Үлгі
4810201004013
Елі
Беларусь
Өндіруші
Борисовский завод медицин
  • Сипаттама

Сипаттама

Дәрілік затты медициналық қолдану

жөніндегі нұсқаулық

Анальгин

Саудалық атауы

Анальгин

Халықаралық патенттелмеген атауы

Натрий метамизолы

Дәрілік түрі

Таблеткалар 500 мг

Құрамы

Бір таблетканың құрамында:

белсенді зат – натрий метамизолы моногидраты (натрий метамизолы түрінде) 500 мг,

қосымша заттартальк, натрий лаурилсульфаты, кальций стеараты, картон крахмалы.

Сипаттамасы

Ақ немесе сарғыш реңді ақ түсті, жайпақ цилиндрлі, ойығы және сызығы бар таблеткалар.

Фармакотерапиялық тобы

Анальгетиктер. Анальгетиктербасқа антипиретиктер. Пиразолондар.

Натрий метамизолы

АТХ коды N02BB02

Фармакологиялық қасиеттері

Фармакокинетикасы

Метамизол пероральді қолданудан кейін фармакологиялық тұрғыдан белсенді 4-N-метил-аминоантипиринге (MAA) толық гидролизденеді. MAA биожетімділігі шамамен 90 % құрайды және парентеральді енгізуге қарағанда пероральді енгізуден кейін ол біраз жоғары. Тамақпен бір уақытта қабылдау метамизол кинетикасына елеулі ықпал етпейді.

Клиникалық тиімділігі негізінен MAA негізделген, белгілі бір дәрежеде 4-аминоантипирин (AA) метаболитінің әсеріне негізделген. АА үшін AUC мәні MAA үшін AUC-тың шамамен 25% құрайды. 4-N-ацетиламиноантипирин (ААА) және 4-N-формиламиноантипирин (FAA) метаболиттері фармакологиялық тұрғыдан белсенді емес болуы ықтимал.

Барлық метаболиттердің фармакокинетикасы дозаға тәуелді емес екенін айту керек. Бұл құбылыстың клиникалық мәні белгісіз. Ұзақ емес емдеу кезінде метаболиттің жинақталуы елеулі емес. Анальгин плацента арқылы өтетін дәрілік зат болып табылады. Метамизол метаболиттері емшек сүтіне түседі.

Плазма ақуыздарымен байланысуы MAA үшін 58 %, AA үшін 48 %, FAA үшін 18 % және AAA үшін 14 % құрайды.

Фармакодинамикасы

Анальгин ауыруды басатын, ыстық түсіретін және аздаған қабынуға қарсы әсерге ие. Пиразолон туындысы болып табылады. Циклооксигеназаның белсенділігін бәсеңдетеді, простагландиндер, эндо-асқын тотықтардың, белсенді оттекті радикалдардың түзілуін азайтады. Ганглиобульбарлық және спиноталамиялық жолдар бойынша ауыру импульстердің жүруін төмендетеді, ауыру сезімталдығының таламиялық орталықтарының қозғыштық шегін арттырады.

Қолданылуы

- жарақаттан немесе операциядан кейінгі жедел ауыру;

- ішкі ағза бұлшықеттерінің түйілуіне негізделген жедел ауыру;

- ісік үдерісіне негізделген ауыру;

- өзге шаралар мүмкін болмаған кездегі басқа да жедел немесе созылмалы қатты ауыру;

- жоғары температура, ыстық түсіретін басқа дәрілік заттардан әсер болмағанда

Қолдану тәсілі және дозалары

Дозалануы ауыру қарқындылығына, қызбаға және препарат қабылдауға жауапқа жеке реакцияға байланысты. Ауыру мен қызбаны бақылайтын ең төменгі тиімді дозалар таңдалуы тиіс. Таблетканы жеткілікті мөлшердегі сумен (мысалы, бір стақан су) тұтастай жұту керек.

Препаратты күніне 2-3 рет 250-500 мг тамақтан кейін қабылдайды. Ересектерге арналған жоғарғы дозалар: бір реттік – 1 г (2 таблетка), тәуліктік – 3 г (6 таблеткадан артық емес).

Балаларға препарат күніне 3-4 рет дене салмағының 5-10 мг/кг ішке тағайындайды.

Препарат қысқа мерзімге қолдануға арналған.

Ұзақ емдегенде шеткері қан көрінісін бақылау қажет.

Егде жастағы пациенттер. Егде жастағы пациенттерде доза азайтылуы тиіс, өйткені метаболиттердің шығарылуы препарат қабылдау кезінде баяулауы мүмкін.

Бүйрек функциясы төмендегенде және креатинин клиренсі бұзылғанда доза азайтылуы тиіс, өйткені метаболиттердің шығарылуыбаяулауы мүмкін.

Бауыр немесе бүйрек функциясының бұзылуы

Бүйрек немесе бауыр функциясы төмендегенде жоғарғы дозалардан аулақ болу керек. Дозаны төмендетпей қысқа мерзімге қолдануға болады. Ұзақ қолдануға жол берілмейді.

Емдеу ұзақтығы аурудың түріне және ауырлығына байланысты. Ұзақ емдеу кезінде лейкоциттерді санауды қоса, қанды тұрақты бақылау талап етіледі.

Жағымсыз әсерлер

Төменде тізілген ықтимал жағымсыз әсерлер жиілігі былайша анықталады: өте жиі (≥ 1/10); жиі (≥ 1/100 < 1/10 дейін); жиі емес (≥ 1/1000 < 1/100 дейін); сирек (≥ 1/10 000 < 1/1000 дейін), өте сирек (< 1/10 000) және белгісіз (қолда бар деректер негізінде бағалануы мүмкін емес).

АІЖ тарапынан.

Жиілігі белгісіз:жүрек айнуы, құсу, эпигастральді аймақтың ауыруы, метеоризм, іш қату, диарея.

Жүйке жүйесі тарапынан.

Жиілігі белгісіз:бас ауыруы, бас айналуы, қозу, ашушаңдық, анорексия.

Қан жүйесі және лимфа жүйесі тарапынан.

Сирек: лейкопения; өте сирек: агранулоцитоз, оның ішінде өліммен аяқталған жағдайлар, тромбоцитопения; жиілігі белгісіз: апластикалық анемия, панцитопения, оның ішінде өліммен аяқталған жағдайлар. Бұл реакциялар метамизолды алдыңғы қолдану асқынусыз өткен болса да туындауы мүмкін. Жекелеген мәліметтер бар, оған сәйкес, егер препарат бір аптадан артық қолданылса агранулоцитоз қаупі жоғарылауы мүмкін. Бұл реакция дозаға байланысты емес және емделу уақытында кез келген сәтте туындауы мүмкін. Ол жоғарғы температурамен, қалтыраумен, тамақ ауыруымен, жұтынудың қиындауымен, сондай-ақ ауыз, мұрын қуысының, тамақтың және жыныс мүшелері аумағының немесе анальді аумақтың қабынуымен білінеді. Антибиотик қабылдайтын пациенттерде бұл белгілердің алайда, айқындығы аз болуы мүмкін. Лимфа түйіндерінің немесе көкбауырдың ұлғаюы елеусіз немесе ұлғаймады. Эритроциттердің шөгуі қатты жылдамдайды, гранулоциттер саны едәуір төмендейді немесе олар толығымен жоқ. Жалпы, гемоглобин, эритроциттер және тромбоциттер үшін қалыпты мәндер белгіленеді, бірақ үнемі емес.

Жалпы жағдайдың күрт нашарлауы басталғанда, қызба тынышталмаса немесе қайта пайда болса немесе шырыштың, әсіресе ауыздың, мұрынның және жұтқыншақтың ауыру өзгерістері туындаса зертханалық диагностикалық зерттеулердің нәтижелерін күтпей-ақ дәрілік заттарды қолдануды дереу тоқтату ұсынылады.

Панцитопения туындағанда ем дереу тоқтатылуы тиіс, олар қалпына келгенге дейін толық қан талдауының көрсеткіштерін қадағалау қажет.

Иммундық жүйе тарапынан.

Сирек: анафилактоидтық немесе анафилаксиялық реакциялар1. Өте сирек: анальгетик-индукцияланған демікпе синдромы. Анальгетик-индукцияланған демікпе синдромы бар пациенттерде жақпаушылық реакциялары әдетте, демікпе ұстамалары түрінде көрініс табады. Жиілігі белгісіз: анафилаксиялық шок.

Жеңілірек реакциялар әдетте, терідегі және шырыштағы реакциялар (мысалы, қышыну, шымылдату, қызару, есекжем, ісіну), ентігу және сирек, асқазан-ішек бұзылыстары түрінде көрініс табады. Мұндай мардымсыз реакциялар жайылған есекжем, ауыр ангиоісіну (сондай-ақ кеңірдек аумағында), ауыр бронх түйілуі, жүрек ырғағының бұзылуы, артериялық гипотензия (кейде артериялық қысымның алдындағы жоғарылауымен), циркуляторлық шок түрінде көрініс табатын ауыр түрлерге ауысуы мүмкін.

Сондықтан тері реакциялары туындағанда Анальгин қолдануды дереу тоқтату керек.

Жүрек таранынан. Жиілігі белгісіз: Коунис синдромы.

Қантамыр жүйесі тарапынан. Кейде: қолдану кезінде немесе одан кейін гипотензиялық реакциялар, олар фармакологиялық тұрғыдан негізделуі ықтимал және анафилактоидтық немесе анафилаксиялық реакциялардың басқа белгілерімен қатар жүрмейді. Мұндай реакция артериялық қысымның күрделі түсуіне әкелуі мүмкін. Сондай-ақ гиперпирексия кезінде аса жоғары сезімталдық реакцияларының басқа белгілерінсіз дозаға негізделген артериялық қысымның критикалық төмендеуі мүмкін.

Тері және тері асты май/жалғағыш тін тарапынан. Кейде: бекітілген дәрілік экзантема; сирек: бөртпе (мысалы, макулопапулездік бөртпе); өте сирек: Стивенс-Джонсон синдромы немесе уытты эпидермальді некролиз (емді тоқтатады).

Бүйрек және несеп шығару жолдары тарапынан. Өте сирек: бүйрек функциясының жедел нашарлауы, оның аясында өте сирек жағдайларда протеинурия, олиго- немесе анурия немесе жедел бүйрек жеткіліксіздігі, жедел интерстициальді нефрит дамуы мүмкін.

1 бұл реакциялар әсіресе парентеральді қолданудан кейін туындауы мүмкін, күрделі және өмірге қауіпті болуы мүмкін, кейбір жағдайларда тіпті өліммен аяқталған. Олар тіпті метамизолды бұрын қолданғанда асқынуларсыз өткен болса да туындауы мүмкін.

Жалпы аурулар және дәрілік затты енгізу орнына жататын шағымдар. Несептің қызыл түске боялу жағдайлары туралы хабарланды, бұл зиянсыз, төмен концентрацияларда болатын метамизол метаболиті – рубазон қышқылымен байланысты болуы мүмкін.

Қолдануға болмайтын жағдайлар

- қосымша затқа немесе басқа пиразолондарға немесе пиразолидиндерге аса жоғары сезімталдық (бұл осы заттарды қолдану салдарынан агранулоцитоз байқалған пациенттерге де жатады);

- анальгетиктермен индукцияланған белгілі демікпе синдромы немесе есекжем және біріккен ангиоісіну түрінде көрініс табатын анальгетиктердің белгілі жақпаушылығы бар пациенттер, яғни бронх түйілуі немесе салицилаттарға, парацетамолға немесе мысалы, диклофенак, ибупрофен, индометацин немесе напроксен сияқты басқа да есірткілік анальгетиктерге анафилактоидтық реакциялардың басқа түрлері байқалған пациенттер (мысалы, есекжем, ринит, ангиоісіну/ Квинке ісінуі);

- сүйек кемігі функциясының бұзылуы (мысалы, цитостатиктермен емдеуден кейін) немесе қан түзу жүйесінің аурулары;

- генетикаға негізделген глюкозо-6-фосфатдегидрогеназа тапшылығы (гемолиз қаупі);

- жедел интермиттирлейтін бауыр порфириясы (порфирия ұстамасының туындау қаупі);

- жүктілік және лактация;

- 15 жасқа толмаған балалар.

Дәрілермен өзара әрекеттесуі

Метамизол циклоспориннің сарысулық деңгейін төмендетуі мүмкін. Сондықтан Анальгинмен бір уақытта қолданған жағдайда циклоспорин концентрацияын бақылау керек.

Анальгин мен хлорпромазинді бір уақытта қолданғанда ауыр гипотермия басталуы мүмкін.

Метамизолды, әсіресе егде жастағы пациенттерде метотрексатқа қосымша енгізу метотрексаттың гематологиялық уыттылығын күшейтуі мүмкін. Сондықтан мұндай біріктірілімнен аулақ болу керек.

Метамизол бір уақытта қолданғанда ацетилсалицил қышқылының төменгі дозаларынан антиагрегантты әсерді азайтуы мүмкін. Сондықтан метамизолды ацетилсалицил қышқылын кардиопротекция үшін төменгі дозаларда қабылдайтын пациенттерде сақтықпен қолдану керек.

Қандағы бупропион деңгейлері метамизолмен төмендетілуі мүмкін. Сондықтан метамизол мен бупропионды бір уақытта қолданғанда сақтық қажет.

Пиразолондар тобының заттары үшін пероральді антикоагулянттармен, каптоприлмен, литий препараттарымен және триамтеренмен әрекеттесуге қосыла алатыны, сондай-ақ гипотензиялық препараттар мен диуретиктердің тиімділігін өзгерте алатыны белгісіз. Метамизол мұндай әрекеттесулерге қаншалықты дәрежеде әкелетіні белгісіз.

Айрықша нұсқаулар

Бүйрек ауруларында (пиелонефрит, гломерулонефрит – оның ішінде анамнезінде) алкогольді шамадан тыс ұзақ қолдану кезінде сақтықпен тағайындайды.

Анальгин құрамында пиразолон туындысы болып табылатын метамизол бар және онда сирек, бірақ өмірге қауіп төндіретін шок және агранулоцитоз туындау қаупі бар.

Анальгинге анафилактоидтық реакциялар байқалған пациенттер де басқа есірткілік емес анальгетиктерге осылайша әрекет ету қаупіне бейім.

Анальгинге анафилаксиялық немесе өзге де иммунологиялық реакциялар (мысалы, агранулоцитоз) байқалған пациенттер де басқа пиразолондарға немесе пиразолидиндерге осылайша әрекет ету қаупіне бейім.

Агранулоцитоз

Агранулоцитоз немесе тромбоцитопения белгілері туындағандаАнальгин қабылдауды дереу тоқтату және қанға жалпы талдау (лейкоциттік формуланы қоса) жасау қажет. Емді тоқтатуды зертханалық зерттеу нәтижелерін алғанға дейін қалдыруға болмайды.

Панцитопения

Панцитопения туындағанда ем дереу тоқтатылуы тиіс, қалпына келгенге дейін қанды толық талдау нәтижелерін қадағалау қажет. Барлық пациенттерге, егер емделу уақытында ауыру белгілері немесе қан жүйесінің патологиялық өзгерістерін (мысалы, жалпы өзін-өзі нашар сезіну немесе дімкәстік, инфекция, қызу, қан құйылу, қан кету, бозару) растайтын симптомдар пайда болса, дереу дәрігерге қаралу тиіс екенін ескерту керек.

Анафилаксиялық/анафилактоидтық реакциялар

Қолдану тәсілін таңдау кезінде Анальгинді парентеральді енгізу анафилаксиялық және анафилактоидтық реакциялардың жоғарғы қаупімен байланысты екенін ескеру керек.

Анальгинге ықтимал ауыр анафилактоидтық реакциялар қаупі мына пациенттерде едәуір жоғары:

- анальгетиктермен индукцияланған демікпе синдромы немесе есекжем және біріккен ангиоісіну түріндегі анальгетиктердің жақпаушылығы бар;

- бронх демікпесі, әсіресе бір уақытта болатын риносинусит және мұрын полиптері бар;

- созылмалы есекжем;

- бояғыштарға қатысты жақпаушылық (мысалы, тартрацин) немесе консерванттар (мысалы, бензоаттар);

- алкоголь жақпаушылығы.

Мұндай пациенттерге алкогольдік сусындардың аз мөлшері де түшкіру, көзден жас ағу және беттің қатты қызаруы сияқты симптомдар ықпал етеді. Мұндай алкоголь бұрын диагностикаланбаған анальгетик-индукцияланған демікпе синдромын білдіруі мүмкін.

Анафилаксиялық шок көбінесе бейім пациенттерде болуы мүмкін. Сондықтан бронх демікпесі немесе атопиясы бар науқастарда қолданғанда аса сақтық қажет.

Ауыр тері реакциялары

Өмірге қауіп төндіретін тері реакциялары туралы хабарланды: Стивенс-Джонсон синдромы (SJS) және уытты эпидермальді некролиз (TEN) анальгин пайдаланғанда тіркелген. Егер SJS немесе TEN (жиі күлдіреуікпен немесе шырыш зақымдануымен өршіген тері бөртпесі сияқты) симптомдары немесе белгілері Анальгинмен емдеу тоқтатылуы және ешқашан қайта қодланылмауы тиіс.

Пациенттерге белгілер мен симптомдар туралы хабарлануы және әсіресе емнің алғашқы апталарында тері реакциялары мұқият бақылануы тиіс.

Оқшауланған гипотензиялық реакциялар

Анальгин гипотензиялық реакциялар туындатуы мүмкін. Бұл реакциялар дозаға байланысты болуы мүмкін. Мұны энтеральді енгізуге қарағанда парентеральді енгізу кезінде күтуге болады.

Мұндай реакциялар қаупі мыналарда жоғары:

- мысалы, алдыңғы гипотониясы, айналымдағы қан көлемінің жеткіліксіздігі немесе дегидратациясы, тұрақты емес қан айналымы немесе басталған қан айналымының жеткіліксіздігі бар (мысалы, жүрек инфаркты немесе көптеген жарақаттары бар пациенттерде) пациенттерде,

- температурасы жоғары пациенттерде.

Сондықтан мұндай науқастарды емдеу кезінде көрсетілімдерді мұқият тексеру және тұрақты артынша қадағалау талап етіледі. Гипотензиялық реакциялар қаупін азайту үшін ескерту шаралары (мысалы, қан айналымының тұрақтануы) қажет болуы мүмкін.

Анальгин кез келген жағдайларда артериялық қысымның төмендеуінен аулақ болу қажет пациенттерде, мысалы, ауыр ишемиялық жүрек ауруында немесе миды қанмен қамтамасыз ететін маңызды тамыр стеноздарында гемодинамикалық параметрлерді мұқият бақылаумен ғана қолданылуы мүмкін.

Препаратты пайда және қауіп арақатынасын күрделі бағалаудан кейін және бүйрек немесе бауыр функциясы бұзылған пациенттерде тиісті сақтық шараларымен ғана қолдану керек.

Препаратты тағайындау алдында пациент тиісінше сұрастырылуы тиіс. Анафилактоидтық реакциялардың жоғары қаупі бар пациенттерде Анальгин күтілетін пайдаға қатысты қытимал қауіптерді мұқият бағалаудан кейін ғана қолданылуы мүмкін. Егер Анальгин осындай жағдайларда қолданылса пациент тұрақты медициналық қадағалауда болуы және шұғыл медициналық көмек көрсетудің дайындығы қамтамасыз етілуі тиіс.

Дәрілік затты іштегі жедел ауыруды жою үшін пайдалануға болмайды (себебі анықталғанша).

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшелігі

Ұсынылған дозалар диапазоны концентрацияға және реакция жылдамдағына байланысты. Сақтық шаралары ретінде жоғарғы дозаларды қабылдағанда машина, көлік құралдарын немесе бақа да қауіпті қызмет түрлерін жүргізуден аулақ болу керек.

Артық дозалануы

Артық дозалану симптомдары: жедел артық дозалану контексттерінде жүрек айнуы, құсу, іштің ауыруы, бүйрек функциясының шектелуі/жедел бүйрек жеткіліксіздігі (мысалы, интерстициальді нефрит аясында) және сирек – орталық жүйке жүйесі тарапынан болатын симптомдар (бас айналуы, ұйқышылдық, кома, құрысулар) және тіпті шокқа және тахикардияға дейін артериялық қысымның күрт төмендеуі байқалды.

Өте жоғарғы дозаларды қабылдаудан кейін рубазон қышқылының шығарылуы несептің қызыл түске боялуына әкелуі мүмкін.

Артық дозалану кезіндегі емдік шаралар: метамизол үшін белгілі спецификалық антидот жоқ. Егер метамизол жақында қабылданса, бастапқы детоксикация шараларын (мысалы, асқазанды шаю) немесе сіңіруді азайту бойынша шараларды (мысалы, белсендірілген көмір қабылдау) қабылдау арқылы оның организмге түсуін шектеуге тырысуға болады. Негізгі метаболит (4-N-метиламиноантипирин) гемодиализ, гемофильтрация, гемоперфузия немесе плазма фильтрациясы көмегімен жойылуы мүмкін.

Уыттануды емдеу, сондай-ақ күрделі асқынулардың алдын алу жалпы және арнайы қарқынды медициналық қадағалауды және емдеуді талап етуі мүмкін.

Ауыр аса жоғары сезімталдық реакцияларындағы (шок кезіндегі) шұғыл шаралар: алғашқы белгілерінде (мысалы, есекжем және беттің кенеттен қызаруы, мазасыздық, бас ауыруы, тер шығуы, жүрек айнуы сияқты тері реакциялары) – қабылдауды тоқтатады. Шұғыл көмектің жалпыға мәлім шараларымен қатар пациентті «шокқа қарсы қалыпқа» (бас пен денені аяқ деңгейінен төмен орналастырып көлденеңінен жату) ауыстыру, тыныс алу жолдарының босауы, оттегін қолдану кезінде симпатомиметиктер, айналымдағы қан көлемін түзетуге арналған ерітінділер немесе глюкокортикоидтар енгізу талап етілуі мүмкін.

Шығарылу түрі және қаптамасы

10 таблеткадан МемСТ 25250-88 бойынша поливинилхлоридті үлбірден немесе ТШ WT/MKF-E-1/07/2016 бойынша дәрілік препараттарды қаптауға арналған пластификацияланбаған ПВХ үлбірден және МемСТ 745-2003 бойынша баспалы лакталған алюминий фольгадан немесе ТШ 1811-002-45094918-97 бойынша алюминий фольга негізіндегі икемді қаптамадан немесе ТШ У 27.4-14022407-007:2007 бойынша МК л-Ф маркалы фольга негізіндегі біріктірілген материалдан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге хром-эрзац картоннан немесе GC-2 маркалы целлюлозалық картоннан жасалған қорапшаға салынады.

300 пішінді ұяшықты қаптамадан (қорапшаға салынбаған) медициналық қолдану жөніндегі мемлекеттік және орыс тіліндегі нұсқаулықпен бірге гофрланған картон қорапқа салынады.

Медициналық қолдану жөніндегі нұсқаулықтар саны қаптама санына сәйкес болуы тиіс.

10 таблеткадан ТШ 5434-002-14404190-2006 бойынша ПЭ-85 маркалы полиэтилен жабыны бар қаптамалық қағаздан немесе ТШ РБ 00916408.001-94 бойынша қағаз және картон негізіндегі біріктірілген материалдан жасалған пішінді ұяшықсыз қаптамада.

Пішінді ұяшықсыз қаптамалармедициналық қолдану жөніндегі мемлекеттік және орыс тіліндегі нұсқаулықпен бірге топтық қаптамаға салынады.

Медициналық қолдану жөніндегі нұсқаулықтар саны қаптама санына сәйкес болуы тиіс.

Топтық қаптама және тасымалдау ыдысы МемСТ 17768-90 сай келеді.

Сақтау шарттары

Құрғақ, жарықтан қорғалған жерде, 25 °С-ден аспайтын температурада.

Балалардың қолы жетпейтін жерде сақтау керек.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Борисов медициналық препараттар зауыты» ашық акционерлік қоғамы («БМПЗ» ААҚ), Беларусь Республикасы, Минск обл., Борисов қ-сы, Чапаев к-сі, 64, тел/факс 8-(10375177)744280.

Тіркеу куәлігінің иесі

«Борисов медициналық препараттар зауыты» ашық акционерлік қоғамы («БМПЗ» ААҚ), Беларусь Республикасы

Қазақстан Республикасы аумағында тұтынушылардан дәрілік заттыңсапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

Қазақстан Республикасы, 050026. Алматы қ-сы, Нұрмақов к-сі 26/195, 39-пәтер,

ЖК «МедФарм», тел/факс: +7 (727) 2911 198, тел: +7 777 7040709,+7 777 2306494;

Е-mail: pvqa-bzmp-kz@mail.ru