Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Азитромед
Саудалық атауы
Азитромед
Халықаралық патенттелмеген атауы
Азитромицин
Дәрілік түрі
Капсулалар, 250 мг
Құрамы
Бір капсуланың құрамында
белсенді зат – 262.50 мг азитромицин дигидраты (250.00 мг азитромицинге баламалы),
қосымша заттар: магний стеараты, крахмал,
желатинді капсула құрамы: желатин, титанның қостотығы.
Сипаттамасы
Ақ немесе ақ дерлік түсті қатты желатинді капсулалар. Капсулалардың ішіндегісі – ақ немесе ақ дерлік түсті кристалл ұнтақ
Фармакотерапиялық тобы
Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Азитромицин.
АТХ коды J01FA10
Фармакологиялық қасиеттері
Фармакокинетикасы
Сіңірілуі
Пероральді қабылдаудан кейін биожетімділігі шамамен 37% құрайды. Плазмада шектік концентрациясына дәрілік затты қабылдағаннан кейін 2-3 сағаттан кейін жетеді.
Таралуы
Ішке енгізілген азитромицин барлық организмге кең таралады. Фармакокинетикалық зерттеулерде тіндерде өлшенген азитромициннің концентрациясы плазмадағы өлшенгенге қарағанда едәуәір жоғары болғаны (50 есе) көрсетілген, бұл агенттің тіндермен күшті байланысатынын көрсетеді.
Сарысу ақуыздарымен байланысуы плазмадағы концентрациясына байланысты өзгереді және 0,5 мкг / мл кезінде 12% бастап 0,05 мкг азитромицин / мл сарысу кезінде 52% дейінді құрайды. Таралудың орташа көлемі белгіленген режимде (VVss) 31,1 л / кг тең деп есептелген.
Шығарылуы
Терминальді плазманың жартылай шығарылу кезеңі 2-4 күн ішінде тіндерден жартылай шығарылу кезеңін жақын көрсетеді. Азитромициннің вена ішіне дозасының шамамен 12%-ы организмнен несеппен өзгеріссіз келесі үш күн бойы шығарылады. Әсіресе өзгермеген азитромициннің жоғары концентрациясы адам өтінде анықталған. Өтте сондай-ақ N- және O-деметилденуі, desosamine және aglycone сақиналары гидроксилденуі және кладиноза конъюгатын ыдырату арқылы түзілген он метаболит анықталған. Сұйықтық хроматографиясы мен микробиологиялық талдау нәтижелерін салыстыру азитромицин метаболиттерінің микробиологиялық белсенді болып табылмайтынын көрсеткен.
Қолданылуы
Препаратқа сезімтал микроорганизмдерден туындаған инфекциялық-қабыну аурулары:
- оториноларингологиялық (ЛОР) ағзалардың инфекцияларында (баспа, синусит, тонзиллит, ортаңғы отит)
- тыныс алу жолдарының жоғарғы және төменгі бөлімдерінің инфекцияларында (соның ішінде бронхит, ауруханадан тыс бактериялық пневмония)
- тері және жұмсақ тіндер инфекциялары (Лайм ауруы (боррелиоз) бастапқы сатысын емдеу үшін (erythema migrans) тілме, импетиго, екінші инфекция жұқтырған дерматоздары)
- Chlamydia trachomatis және Neisseria gonorrhoeae туындатқан асқынбағын жыныс инфекциялары.
Қолдану тәсілі және дозалары
Азитромед капсулаларын бір реттік тәуліктік доза түрінде тағайындаған жөн.
Азитромед тамақтануға дейін бір сағат бұрын немесе тамақтанудан кейін 2 сағаттан соң қабылдаған жөн. Препаратты күніне 1 рет қабылдайды.
Салмағы 45 кг асатын балалар және егде жастағы пациенттерді қоса:
Азитромициннің жалпы дозасы 1500 мг құрайды, үш күн ішінде тағайындалуы керек (500 мг күніне бір рет).
Chlamydia trachomatis туындатқан асқынбаған генитальді инфекцияларда бір реттік пероральді доза түрінде 1000 мг құрайды. Neisseria gonorrhoeae сезімтал адамдар үшін ұсынылатын доза 1000 мг немесе жергілікті клиникалық емдеу ұсынымдарына сәйкес 250 мг немесе 500 мг цефтриаксонмен біріктірілімде 2000 мг азитромицинді құрайды. Пенициллин және / немесе цефалоспоринге аллергиямен зардап шегетін пациенттер үшін препараттарды тағайындар алдында дәрігермен кеңесу қажет.
Балалар:
Дене салмағы 45 кг дейінгі балаларда: Азитромед капсулалары қолданылмайды.
Жағымсыз әсерлері
Жиілігін топтау мынадай келісімді пайдаланумен анықталады: Өте таралған (≥1 / 10); таралған (≥ 1/100 <1/10 дейін); сирек (≥1 / 1000 <1/100 дейін); сиректеу (≥ 1/10000 <1/1000 дейін); Өте сирек (<1/10000); белгісіз (қолда бар деректер бойынша бағалау мүмкін емес).
Жағымсыз әсерлері әрбір жиілік тобы шегінде күрделілігінің кемуі тәртібімен берілген.
Клиникалық сынақтар, қолдану тәжірибесі және постмаркетингтік қадағалау негізінде азитромицинмен байланысты болуы мүмкін немесе ықтималдығы бар жағымсыз реакциялар:
Инфекциялар және инвазиялар
сирек (≥1 / 1000 до <1/100)
Кандидоз, ауыз қуысы кандидозы, қынаптық инфекция
Белгісіз (қолда бар деректер бойынша бағалау мүмкін емес)
Жалған жарғақшалы колит
Қан және лимфа жүйесінің аурулары
сирек (≥ 1/1000 <1/100 дейін)
Лейкопения, нейтропения
Белгісіз (қолда бар деректер бойынша бағалау мүмкін емес)
Тромбоцитопения, гемолиздік анемия
Иммун жүйесінің бұзылулары
сирек (≥1 / 1000 <1/100 дейін)
Ангионевроздық ісіну, аса жоғары сезімталдық
Белгісіз (қолда бар деректер бойынша бағалау мүмкін емес)
Анафилаксиялық реакция
Метаболизм және тамақтанудың бұзылуы
таралған (> 1/100, <1/10)
Анорексия
Психикалық бұзылыстар
Сирек (≥1 / 1000 <1/100 дейін)
Күйгелектік
Сиректеу (> 1/10000, <1/1000)
ажитация
Белгісіз (қолда бар деректер бойынша бағалау мүмкін емес)
Озбырлық, мазасыздық
Жүйке жүйесінің бұзылыстары
таралған (> 1/100, <1/10)
Бас айналуы, бас ауыруы, парестезия, дисгевзия
Сирек (≥1 / 1000 <1/100 дейін)
Гипостестезия, ұйқышылдық, ұйқысыздық
Белгісіз (қолда бар деректер бойынша бағалау мүмкін емес)
Естен тану, құрысулар, психомоторлық аса жоғары белсенділік, аносмия, астения, паросмия, миастения Gravis
Көз аурулары
таралған (> 1/100, <1/10)
Көрудің бұзылуы
Құлақ және иірімдерінің бұзылуы
таралған (> 1/100, <1/10) Кереңдік
сирек (≥1 / 1000 до <1/100)
Естудің бұзылуы, құлақтың шуылдауы
Сиректеу (> 1/10000, <1/1000)
Бас айналуы
Жүрек жеткіліксіздігі
Жүрек бұзылыстары
сирек (≥1 / 1000 до <1/100)
Жүректің қағуы
Белгісіз (қолда бар деректер бойынша бағалау мүмкін емес)
аритмия, қарыншалық тахикардияны қоса
Қантамыр бұзылыстары
Белгісіз (қолда бар деректер бойынша бағалау мүмкін емес)
Гипотония
Асқазан-ішек бұзылыстары
Өте таралған (≥1 / 10)
Диарея, іштің ауыруы, жүрек айну, метеоризм
таралған (> 1/100, <1/10)
Құсу, диспепсия
сирек (> 1/1000, <1/100)
Гастрит, іш қату
Белгісіз (қолда бар деректер бойынша бағалау мүмкін емес)
Панкреатит, тілдің түссізденуі
Гепатобилиарлық бұзылыстар
cирек (> 1/1000, <1/100)
гепатит
Cиректеу (> 1/10000, <1/1000)
Аномальді бауыр функциясы
Белгісіз (қолда бар деректер бойынша бағалау мүмкін емес)
Сирек өлімге, гепатитке әкелген бауыр жеткіліксіздігі
Бауыр некрозы, холестатикалық сарғаю.
Тері және тері асты шелі бұзылулары
Өте таралған(> 1/100, <1/10)
Қышыну және бөртпе
сирек (> 1/1000, <1/100)
SJS, фотосезімталдық реакциясы, есекжем
Өте сирек (<1/10000)
мультиформалы эритема
Тірек-қимыл аппараты, дәнекер тіннің бұзылуы
таралған (> 1/100, <1/10)
Артралгия
Бүйрек және несеп аурулары
Белгісіз (қолда бар деректер бойынша бағалау мүмкін емес)
Жедел бүйрек жеткіліксіздігі, интерстициальді нефрит.
Жалпы бұзылулар
Өте таралған(> 1/100, <1/10)
Шаршау
сирек (> 1/1000, <1/100)
Кеуденің ауруы, ісіну, дімкәстік, астения
Зертханалық көрсетілімдер
Өте таралған (> 1/100, <1/10)
Лимфоциттер мөлшері азайған, эозинофилдер мөлшері артқан, қант бикарбонаты азайған
таралған(> 1/1000, <1/100)
Аспартатаминотрансфераза, аланинаминотрансфераза, қанда билирубин, несеп мочевинасы, қан креатинині деңгейі, қан калийі қалыпсыз деңгейінің артуы
Белгісіз (қолда бар деректер бойынша бағалау мүмкін емес)
QT электрокардиограммасы ұзаруы
Қолдануға болмайтын жағдайлар
- азитромицинге, эритромицинге, басқа да макролидтерге немесе кетолидтерге, немесе препаратты басқа компоненттеріне жоғары сезімталдық
- бауыр функциясының ауыр жеткіліксіздігі
- бүйрек функциясының ауыр жеткіліксіздігі
- бауыр және бүйрек функцияларының ауыр бұзылулары
- жүктілік және лактация кезеңі
- дене салмағы 45 кг дейінгі балалар
Антацидтер. Антацидтерді азитромицинмен бір мезгілде енгізудің әсерлерін тексеруге арналған фармакокинетикалық зерттеулерде жалпы биожетімділігіне ешқандай әсері байқалмаған, дегенмен сарысудың шектік концентрациясы шамамен 24%-ға төмендеген. Азитромицин және антацидтер қабылдайтын пациенттерде препараттарды бір мезгілде қабылдауға болмайды.
Цетиризин: дені сау еріктілерде азитромицинді 5 күндік режимде стационар жағдайында 20 мг цетиризинмен бірге қолдану фармакокинетикалық өзара әрекеттесулеріне және QT аралығының мәнді өзгерістеріне әкелмеген.
Диданозин (дидезоксиинозин): АИТВ-оң субъектілерге 1200 мг азитромицинді / 400 мг бір күні / диданозинді бір күні бірге енгізу, плацебомен салыстырғанда тұрақтыдиданозин фармакокинетикасына әсер етпеген.
Дигоксин: Қайсы бір макролидті антибиотиктер кейбір пациенттер ішегінде дигоксиннің микробтық метаболизмін бұзады деп мәлімделеді. Азитромицин, жақын азалидті антибиотик және дигоксин қабылдайтын пациенттерде дигоксин деңгейінің жоғарылау мүмкіндігін ескерген жөн.
Зидовудин: азитромициннің 1000 мг бір реттік дозасы және 1200 мг және 600 мг дозалары плазма фармакокинетикасына немесе зидовудин немесе оның метаболиті глюкуронидтің несеппен экскрециясына аз әсер еткен. Алайда азитромицин енгізу шеткері қанның мононуклеарлы жасушаларында зидовудиннің клиникалық белсенді метаболитінің концентрациясын арттырған. Бұл қорытындыныңклиникалық маңызы айқын емес, бірақ пациенттерге пайдасы болуы мүмкін.
Азитромицин P450 цитохромы бауыр жүйесімен айтарлықтай өзара әрекеттеспейді. Эритромицинмен және басқа макролидтермен байқалғандай, ол фармакокинетикалық дәрілік заттардың өзара әрекеттесуіне ұшырамайды деп саналады. Цитохрометметаболиттік кешен арқылы азитромицинмен бауырдың Р450 цитохромы индукциясы немесе инактивациясы жүрмейді.
Қастауыш туындылары: эрготизмнің теориялық мүмкіндігіне байланысты Азитромицинді қастауыш туындыларымен бір мезгілде пайдалану ұсынылмайды.
Фармакокинетикалық зерттеулер азитромицин және белгілі болғандай, Р450 цитохромы арқылы елеулі метаболизмге ұшырайтын мынадай препараттармен жүргізілген.
Аторвастатин: аторвастатинді (күніне 10 мг) және азитромицинді (күніне 500 мг) бірге енгізу плазмада аторвастатин концентрациясын өзгертпеген (HMG-коредуктаза тежеуін талдау негізінде).
Карбамазепин: дені сау еріктілерде фармакокинетикалық өзара әрекеттесуін зерттеуде қан плазмасындағы карбамазепин концентрациясына және оның белсенді метаболитіне онымен қатар азитромицин қабылдаған пациенттерде елеулі әсері байқалмаған.
Циметидин: Азитромицинге дейін 2 сағат бұрын тағайындалатын циметидиннің бір реттік дозасының әсерін зерттеуге арналған фармакокинетикалық зерттеуде азитромицин фармакокинетикасы бойынша азитромицин фармакокинетикасының өзгерістері байқалмаған.
Кумаринді ішуге арналған антикоагулянттар: фармакокинетикалық өзара әрекеттесу зерттеулерінде дені сау еріктілерге енгізілген азитромицин 15 мг варфарин бір реттік дозасының антикоагулянттық әсерін өзгертпеген. Кумарин типті пероральді антикаогулянттар мен азитромицинді бірге енгізгеннен кейін маркетингтен кейінгі кезеңде үдеген антикоагуляция хабарлары болған. Себептік байланысы анықталмаса да, кумарин типті пероральді антикаогулянттар қабылдап жүрген пациенттерге азитромицин пайдаланылғанда протромбиндік уақытқа жиі мониторинг жүргізу керегін қарастырған жөн.
Циклоспорин. 3 күн бойы күніне 500 мг дозада азитромициннің пероральді дозасын енгізген және содан соң 10 мг / кг дозада циклоспориннің ішілетін дозасы енгізілген дені сау еріктілермен фармакокинетикалық зерттеуде алынған циклоспорин Cмax және AUC 0-5 елеулі ұлғайған (24 және 21% сәйкес), алайда AUC 0-∞ сенімді өзгерістері байқалмаған. Демек, бұл препараттарды бір мезгілге енгізуді қарастырғанда сақ болу керек. Егер мұндай препараттарды бірге енгізу қажет болса, циклоспорин деңгейін және тиісінше дозасын бақылау керек.
Эфавиренц: Күніне 600 мг азитромицин мен 400 мг эфавиренц бір реттік дозасын 7 күн бойы бірге енгізу қандай да болсын клиникалық маңызды фармакокинетикалық өзара әрекеттесуге әкелмеген.
Флуконазол: 1200 мг азитромицин бір дозасын бірге енгізу 800 мг флуконазол бір реттік дозасының фармакокинетикасын өзгертпеген. Азитромициннің жалпы әсері және жартылай ыдырау кезеңі флуконазолды бірге тағайындағанда өзгермеген, алайда азитромициннің Cmax клиникалық елеусіз төмендеуі (18%) байқалған.
Индинавир: Индинавир: азитромициннің 1200 мг бір дозасын бірге қолдану 5 күн ішінде күніне үш рет 800 мг-ден енгізілген индинавир фармакокинетикасына статистикалық мәнді әсер етпеген.
Метилпреднизолон: дені сау еріктілерде фармакокинетикалық өзара әрекеттесуін зерттеуде Азитромицин метилпреднизолон фармакокинетикасына елеулі әсер етпеген.
Мидазолам: дені сау еріктілерде күніне 500 мг азитромицинді 3 күн бойы бірге енгізу 15 мг мидазолам бір реттік дозасы түрінде фармакокинетикасы мен фармакодинамикасында клиникалық мәнді өзгерістер туындатпаған.
Нелфинавир: Азитромицин (1200 мг) және нелфинавирді стационар жағдайында (750 мг күніне үш рет) бірге тағайындау азитромицин концентрациясының ұлғаюына әкелген. Клиникалық мәнді жағымсыз әсерлері байқалмаған және дозаны түзету қажет болмаған.
Рифабутин: азитромицин мен рифабутинді бірге енгізу сарысуда кез келген препараттың концентрациясына әсер етпеген. Нейтропения азитромицинмен және рифабутинмен қатар емделіп жүрген пациенттерде байқалған. Нейтропения рифабутин пайдаланумен байланысты делінгенмен, азитромицинмен біріктірілімдегі себеп-салдар байланысы анықталмаған.
Силденафил: Қалыпты дені сау ерікті ер адамдарда азитромициннің (3 күн бойы күніне 500 мг) AUC және Cmax мәндеріне, силденафилдіңнемесе оның айналымдағы негізгі метаболитіне әсер етуіне дәлелдер болмаған.
Терфенадин: Фармакокинетикалық зерттеулер азитромицин мен терфенадин арасындағы өзара әрекеттесудің қандай да бір белгілерін айқындамаған. Осындай өзара әрекеттесудің болуы мүмкін екендігін толық жоққа шығаруға болмайтын жекелеген жағдайлар жөнінде мәлімделді; Алайда осындай өзара әрекеттесудің орын алғанына бірде-бір нақты айғақтамалар болмаған.
Теофиллин: Дені сау еріктілерде азитромицин мен теофиллинді бірге енгізгенде клиникалық мәнді фармакокинетикалық өзара әрекеттесуіне дәлелдер жоқ.
Триазолам: 14 дені сау еріктілерде азитромицинді 500 мг 1-ші күні және 250 мг 2-ші күні 0.125 мг триазоламмен бірге енгізу екінші күні триазоламды плацебомен қолданумен салыстырғанда триазоламның фармакокинетикалық көрсеткіштеріне елеулі әсері етпеген.
Триметоприм / сульфаметоксазол: триметоприм/сульфаметоксазолды DS (160 мг/800 мг) 7 күн бойына 1200 мг азитромицинмен бір мезгілде енгізу 7-ші күні Триметопримның немесе сульфаметоксазолдың ең жоғары концентрациясына, жалпы әсеріне немесе несептің бөлінуіне елеулі әсер етпеген. Азитромициннің сарысудағы концентрациясы осындай басқа зерттеулердегілермен ұқсас болған.
Айрықша нұсқаулар
Препараттың бір дозасын қабылдауды өткізіп алған жағдайда – өткізіп алған дозаны мүмкіндігінше ертерек қабылдаған, ал кейінгілерін 24 сағат үзіліспен қабылдаған жөн.
Азитромед препаратын антацидтік препараттарды қабылдаудан, ең жоқ дегенде, 1 сағат бұрын немесе қабылдаудан кейін 2 сағаттан соң қабылдаған жөн.
Азитромед препаратын фульминантты гепатит және бауыр функциясының ауыр жеткіліксіздігі дамуы мүмкін болғандықтан, бауыр функциясының ауырлығы жеңіл және орташа дәрежедегі бұзылулары бар пациенттерде сақтықпен қолданған жөн. Тез үдейтін астения, сарғаю, несептің қараюы, қан кетуге бейімділік, бауыр энцефалопатиясы сияқты бауыр функциясы бұзылуының симптомдары бар болған кезде Азитромед препаратымен емдеуді тоқтатқан және бауырдың функциональді жағдайына зерттеу жүргізген жөн.
Бүйрек функциясының ауырлығы жеңіл және орташа дәрежедегі бұзылуларында (КК > 40 мл/мин) Азитромед препаратымен емдеуді бүйрек функциясын бақылай отырып, сақтықпен жүргізген жөн.
Бактерияларға қарсы басқа препараттарды қолданған кездегідей, Азитромед препаратымен емдеген кезде пациенттерде сезімтал микроорганизмдердің бар-жоқтығын және суперинфекцияның, соның ішінде зеңдік инфекцияның даму белгілерін үнемі тексеріп отырған жөн.
Азитромед препаратының нұсқаулықта көрсетілгеннен ұзағырақ курсын қолданбаған жөн, өйткені азитромициннің фармакокинетикалық қасиеттері қысқа және жай дозалау режимін ұсынуға мүмкіндік береді.
Азитромицин және эрготамин мен дигидроэрготамин туындыларының арасында ықтимал өзара әрекеттесу жөнінде деректер жоқ, бірақ эрготамин мен дигидроэрготамин туындыларымен бір мезгілде пайдаланғанда эрготизм дамитын болғандықтан, осы біріктірілім ұсынылмайды.
Азитромед препараты ұзақ қабылдаған кезде Clostridium difficile әсерінен туындайтын жеңіл диарея түріндегі жалған жарғақшалы колит, сонымен қатар ауыр колит дамуы мүмкін. Азитромед препаратын қабылдау аясында, сондай-ақ емдеуді аяқтағаннан кейін 2 айдан соң да антибиотикпен астасқан диареялар дамыған кезде жалған жарғақшалы колиттің бар-жоқтығын анықтаған жөн.
Макролидтермен, соның ішінде азитромицинмен емдеген кезде, жүрек аритмияларының, соның ішінде "пируэт" типті аритмиялардың даму қаупін арттыратын жүрек реполяризациясының және QT аралығының ұзаруы байқалды.
Азитромед препаратын проаритмогендік факторлары бар (әсіресе егде жастағы пациенттерде), соның ішінде QT аралығы туа біткен немесе жүре келе ұзарған пациенттерде; аритмияға қарсы IA класының (хинидин, прокаинамид), III класының препараттарын (дофетилид, амиодарон және соталол), цизапридті, терфенадинді, психозға қарсы препараттарды (пимозид), антидепрессанттарды (циталопрам), фторхинолондарды (моксифлоксацин және левофлоксацин қабылдап жүрген пациенттерде), су-электролиттік теңгерімнің бұзылулары бар пациенттерде, әсіресе гипокалиемия немесе гипомагниемия жағдайында, клиникалық тұрғыдан маңызды брадикардияда, жүрек аритмиясында немесе жүрек функциясының ауыр жеткіліксіздігінде қолданған кезде сақтық танытқан жөн.
Азитромед препаратын қолдану миастениялық синдромның дамуын өршітуі немесе миастенияның өршуін туындатуы мүмкін.
Галактоза жақпаушылығы, лактаза жеткіліксіздігі немесе глюкоза-галактоза мальабсорбциясымен байланысты сирек тұқым қуалайтын проблемалары бар пациенттер осы препаратты қабылдамаулары тиіс. Бұл дәрілік препараттың құрамында аса жоғары сезімталдық және брох түйілуіне (сирек) әкелуі мүмкін күкірт қостотығы бар.
Жүктілік
Жануарлар репродукциясына зерттеулер ана дозасында орташа уытты концентрациясына дейінгі дозаларда жүргізілген. Бұл зерттеулерде шаранаға азитромицин туындатқан зиянына ешқандай дәлелдері анықталмаған. Дегенмен, жүкті әйелдерде баламалы және бақыланатын зерттеулер жоқ. Жануарлар репродукциясына зерттеулер адам реакциясын болжамдауға мүмкіндік бермейтіндіктен, азитромицинді жүктілік кезінде тек аса қажеттілік жағдайында ғана пайдалану керек.
Емшекпен қоректендіру
Емшек сүтіндегі секреция туралы деректер жоқ. Көп препараттар ана сүтінде болатындықтан, егер дәрігер ықтимал пайдасы нәресте үшін ықтимал қаупін растайды деп санамаса азитромицинді бала емізетін әйелді емдегенде пайдаланбаған жөн.
Көлік құралын немесе қауіптілігі зор механизмдерді басқару қабілетіне дәрілік заттың әсер ету ерекшеліктері
Препаратпен емделу кезінде автокөлікті басқаруды және потенциалды қауіпті қызмет түрлерімен шұғылдануды тоқтата тұру қажет.
Артық дозалануы
Симптомдары: естуден уақытша айырылу, қатты жүрек айнуы, құсу, іш өту.
Емі: препарат қабылдауды тоқтатқан, асқазанды шайған жөн, дәрігерге қаралу және симптоматикалық ем жүргізу керек.
Арнайы антидоты жоқ.
Шығарылу түрі және қаптамасы
Пішінді ұяшықты қаптамадағы 250 мг №10 капсулалар медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Құрғақ, жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецепт арқылы
Өндіруші
Kwality Pharmaceuticals PVT Ltd., Заңды мекенжайы: Үндістан, Тунг Бала, Маджита Роад, Амритсар-143004
Қаптаушы
«Деново Импекс» ЖШС, Қазақстан
Қазақстан Республикасы, Алматы қ., Өтеген батыр к-сі, 13
Тел.: (727) 243 7415 E-mail: denovokz@rambler.ru
Тіркеу куәлігінің иесі
«Деново Импекс» ЖШС, Қазақстан Республикасы, Алматы қ., Өтеген батыр к-сі, 13
Тел.: (727) 243 7415 E-mail: denovokz@rambler.ru
Қазақстан Республикасы аумағында тұтынушылардан өнімнің (тауар) сапасы жөніндегі шағымдарды қабылдайтын ұйымның атауы, мекенжайы және байланыс жасау деректері:
Қазақстан Республикасы, Алматы қ., Өтеген батыр к-сі, 13
Тел.: (727) 243 7415,е-mail: denovokz@rambler.ru
Дәрілік заттың қауіпсіздігін тіркеуден кейін бақылауға жауапты ұйымның атауы, мекенжайы және байланыс деректері
«Деново Импекс» ЖШС, Қазақстан Республикасы, Алматы қ., Өтеген батыр к-сі, 13
Тел.: (727) 243 7415,е-mail: denovokz@rambler.ru