Дуовит для женщин № 30 табл
Тауарлардың көрінісі фотосуретте көрсетілгеннен өзгеше болуы мүмкін

Дуовит для женщин № 30 табл

4095
Қолжетімділігі
Сатылымда бар
Үлгі
3838989618834
Елі
Словения
Өндіруші
KRKA d.d.
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Дуовит®

Саудалық атауы

Дуовит®

Халықаралық патенттелмегенатауы

Жоқ

Дәрілік түрі

Драже

Құрамы

Қызыл түсті1 драженің құрамында

белсенді заттар:

Ретинол пальмитаты (A дәрумені) концентраты (синтетикалық, майлы түрі) 1.7 млн ХБ/г

(А дәруменіне баламалы)

-

2,94 мг

(5000 ӘБ)

Холекальциферол концентраты (майлы түрі)

1 млн ХБ/г (Д3 дәруменіне баламалы)

-

0,20 мг

(200 ӘБ)

Аскорбин қышқылы (С дәрумені)

-

60,00 мг

Тиамин нитраты (В1 дәрумені)

-

1,00 мг

Рибофлавин (В2 дәрумені)

-

1,20 мг

Пиридоксин гидрохлориді (В6 дәрумені)

-

2,00 мг

Цианокобаламин 0.1 % маннитолда (В12 дәрумені)

-

3.00 мг

Никотинамид (РР дәрумені)

-

13,00 мг

Фолий қышқылы (В9 дәрумені)

-

0,40 мг

Кальций пантотенаты (В5 дәрумені)

-

5,00 мг

Альфа-токоферол ацетаты (Е дәрумені)

-

10,00 мг

қосымша заттар: лактоза моногидраты, апельсин майы 05073,

полисорбат 80, глицерин, майсана майы (салқындатып сығылған), сорбитол,

сұйық глюкоза (құрғақ зат), көбікке қарсы зат 1510, магний стеараты, *Опалюкс АS-F-2833 G (E 124 + E 110), капол 600 фарма, сахароза.

Көгілдір түсті бір драженің құрамында

белсенді заттар:

Кальций гидрофосфаты дигидраты

(кальцийге баламалы)

(фосфорға баламалы)

-

64,50 мг

(15,00 мг) (12,00 мг)

Темір фумараты

(темірге баламалы)

-

30,30 мг (10,00 мг)

Мыс сульфаты пентагидраты

(мысқа баламалы)

-

4,00 мг

(1,00 мг)

Мырыш сульфаты гептагидраты

(мырышқабаламалы)

-

13,30 мг

(3,00 мг)

Магний лактаты дигидраты

(магнийге баламалы)

-

200,00 мг

(20 ,00 мг)

Марганец сульфаты моногидраты

(марганецке баламалы)

-

3,10 мг

(1,00 мг)

Натрий молибдаты дигидраты

(молибденге баламалы)

-

0,22 мг

(0,10 мг)

қосымша заттар: лактоза моногидраты апельсин майы 05073, полисорбат 80, глицерин, майсана майы (салқындатып сығылған), сорбитол, сұйық глюкоза (құрғақ зат), көбікке қарсы зат 1510, магний стеараты, сұйық парафин, повидон, **Опалюкс АS-20912 көк (E 132), капол 600 фарма, сахароза.

*Опалюкс АS-F-2833 G қабығының құрамы (E 124 + E 110): сахароза, тазартылған су, ponceau 4R lake, титанның қостотығы, Fd&C сары#6/сансет сары FCF aluminium lake, повидон, натрий бензоаты

**Опалюкс АS-20912 көгілдір қабығының құрамы (E 132): сахароза, титанның қостотығы, тазартылған су, Fd&C көгілдір #2/индигокармин aluminium lake, повидон, натрий бензоаты.

Сипаттамасы

Қышқыл-тәтті дәмі бар, қызыл түсті қабықпен қапталған тегіс қатты драже (дәрумендер) және көгілдір түсті қабықпен қапталған тегіс қатты драже (минералдар)

Фармакотерапиялық тобы

Құрамында минералды заттары бар полидәрумендер. Құрамында басқа да минералдар және олардың біріктірілімдері бар полидәрумендер.

АТХ коды А11АА03

Фармакологиялық қасиеттері

Фармакокинетикасы

Дуовит® драже үшін деректер жоқ. Дегенмен, жекелеген дәрумендер мен минералдардың сіңірілуі, таралуы және сыртқа шығарылуы жақсы белгілі және әдебиетте сипатталған.

Суда еритін дәрумендер (В тобы дәрумендері, С дәрумені және биотин) күнделікті қажеттілік шегінде өте жақсы сіңеді. Тіндердің шамадан тыс қанығу мөлшері несеппен, кейбір жағдайларда нәжіспен шығарылады. Дәрумендер организмде шекті мөлшерде болады, сондықтан олар тіндерде олардың концентрациясын үнемі ұстап тұру үшін жұмсалуы тиіс.

Майда еритін А және D дәрумендері ішке қабылдағаннан кейін май болуына байланысты жіңішке ішекте жақсы сіңеді. Е дәруменінің сіңуі салыстырмалы түрде аз (дозаның 25-тен 85 %-на дейін). Организмде бұл дәрумендер көп мөлшерде бауырда болады, сондықтан олар суда еритін дәрумендермен салыстырғанда анағұрлым уытты болып табылады.

Дуовит® препаратының әсері оның компоненттерінің біріккен әсері болып табылады, сондықтан кинетикалық бақылауларды жүргізуге мүмкіндік жоқ; барлық компоненттерді бірге маркерлер немесе биозерттеулердің көмегімен бақылай алмайды.

Фармакодинамикасы

Дуовит® құрамында дәрумендер мен минералдар бар. Дәрумендер мен минералдар өздерінің белсенділігі мен аддитивті тиімділігі жағынан тығыз байланысты. Көбіне дәрумендер мен минералдар бір құрамда бола алмайды, осыған байланысты олар Дуовитте бөлінген: қызыл драже құрамында дәрумендер және көгілдірінде – минералдар бар. Дуовит® драже организмнің дәрумендер мен минералдарға қажеттілігін толықтырады және олардың тапшылығының алдын алады.

Дәрумендер организмнің көптеген биохимиялық үдерістеріне қатысатын биологиялық белсенді заттар болып табылады.

В тобының дәрумендері (В1, В2, В6, пантотен қышқылы және никотинамид) көмірсу, май және ақуыздар метаболизміне, сондай-ақ жүйке жүйесінің қызметіне қатысады.

А дәрумені эпителий жасушаларының дамуы және көру пигментінің синтезі үшін қажет.

D дәрумені кальций пайдалануын реттеп, сүйек пен тістің минералдануына ықпал етеді.

С дәрумені темірдің сіңірілуін жоғарылатып, организмнің көптеген тотығу-тотықсыздану үдерістеріне қатысады.

Е дәрумені физиологиялық антиоксидант, ол жарғақша қабырғаларын зақымданудан қорғайды және олардың қызметтік белсенділігін сақтайды.

Минералдар мен олигоэлементтер организм үшін өте маңызды. Олар құрамға демеуші тіндердің құрамдас бөліктері немесе ферменттер мен гормондардың активаторлары және компоненттері ретінде кіреді. Кальций мен фосфор сүйек пен тісті минералдандыруда шешуші рөл атқарады. Кальций иондары көптеген ферменттерді белсендіреді, жүрек бұлшықеттері тонусын реттеуге, жүйке импульстарының берілуіне қатысады, жасуша жарғақшалары өткізгіштігін реттейді. В тобы дәрумендері темір мен мыс – эритроциттерді қалыптастыру үшін маңызды элементтер. Магний, марганец, мырыш және молибден ферменттердің құрамдас компоненттері ретінде организм үшін маңызды реакцияларға қатысады.

Қолданылуы

Дуовитті® дәрумендер мен минералдар қажеттілігінің артуымен қатар жүретінжай-күйлерде профилактикалық дәрі ретінде қолданады:

- жоғары дене жәнежүйке-психикалық жүктемесінде

- спорттың белсенді түрлерімен айналысқанда

- жүктілік және лактация кезеңінде

- тұрақсыз, толыққанды емес тамақтану немесе бір текті тамақтану рационында

- тағамның жеткіліксіз конверсиясында (егде адамдарда, темекі тартатын және алкоголді артық мөлшерде тұтынатын адамдар)

- тамақтану тәртібінің дұрыс болмауында (ең бастысы, фаст-фудпен тамақтану, құрғақтай жеу, көпшілік асханаларында тамақтану кезінде)

- тамақтанудың шектеулі тәртібінде (дене салмағының төмендеуі, диабет және т.б.)

- жас көкөністер мен жемістер тапшылығы кезеңдерінде

- ауруды өткергеннен кейінгісауығу кезеңінде

- минералдарды көп жоғалтқанда (құсу, диарея, етеккірдің қарқынды келуі, тердің көп бөлінуі)

Қолдану тәсілі және дозалары

Дуовит® дражені таңертеңгі астан кейін қабылдау ұсынылады.

Ересектер және 18 жастан асқан балаларға күніне 1 рет қызыл түсті 1 драже және көгілдір түсті 1 драже қабылдау ұсынылады.

Дражені судың аздаған мөлшерімен іше отырып, бүтіндей жұту керек.

Емдеу курсы 1 айға дейін. Одан кейінгі емдеу үзілістен кейін (1 айдан 3 айға дейін) немесе дәрігердің ұсынымы бойынша жүргізілуі мүмкін.

Жағымсыз әсерлері

Өте сирек (<1/10,000):

-аса жоғары сезімталдық

-Сирек (≥1/10,000 <1/1,000 дейін):

- егер драже ашқарынға қабылданған болса, асқазан ішек жолы тарапынан бұзылулар

Қолдануға болмайтын жағдайлар

- препарат компоненттерінің кез келгеніне жоғары сезімталдық

- А және D гипервитаминозы

- бүйрек жеткіліксіздігі

- балалар мен 18 жасқа дейінгі жасөспірімдер.

Дәрілермен өзара әрекеттесуі

Препаратты бір мезгілде тетрациклинді антибиотик антацидтермен қабылдау ұсынылмайды. Оларды бір мезгілде қабылдау салдарынан минералдар мен тетрациклиндердің сіңірілуі төмендейді. Кейбір антацидтер минералдардың сіңірілуін төмендетеді. Егер емдеуде мұндай препараттарды бір мезгілде қабылдау қарастырылған болса, Дуовит® пен тетрациклинді антибиотиктер/антацидтерді қабылдау арасында кем дегенде 3 ай аралықты сақтау қажет.

Айрықша нұсқаулар

Асқазандағы жағымсыз сезімді туындатпас үшін Дуовитті®тамақтанудан кейін қабылдау қажет.

Диабетке шалдыққан пациенттердің Дуовит® қабылдауларына болады, бірақ мұндай кезде күнделікті дозада қант құрамының 1,6 г екенін ұмытпау қажет. Әр драже құрамында 0,8 г жуық қант бар.

Басқа дәрумендермен, дәруменді-минералды және/немесе минералды кешендермен бір мезгілде қабылдау тұрғысында дәрігермен немесефармацевтпен кеңесу қажет.

Қосымша заттарға қатысты айрықша нұсқаулар мен сақтандыру шаралары

Дуовит® құрамында лактоза, сорбитол, глюкоза және сахароза бар. Препаратты тұқым қуалайтын глюкоза немесе галактозаны көтере алмаушылық, Lapp-лактаза тапшылығы немесе глюкоза-галактоза мальабсорбциясы немесе сахароза-изомальтаза жеткіліксіздігі аурулары бар пациенттерге қабылдауға ұсынылмайды. Е124 және Е110 бояғыштары аллергиялық реакция туындатуы мүмкін.

Жүктілік жәнек лактация кезеңі

Жүктілік және лактация кезеңінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және басқа механизмдерді басқару қабілетіне әсер етпейді.

Артық дозалануы

Симптомдары: әлсіздік, анорексия, жүрек айну, құсу, диарея, салмақ жоғалту, қызба және құрысулар (өте үлкен дозаны ұзақ қабылдағанда болуы ықтимал А гипердәруменозы симптомдары),бас ауыру, бас айналу, ұйқының бұзылуы, жүрек айну, құсу, ұйқышылдық, жарықтан жасқану және құрысулар (өте үлкен дозаны ұзақ қабылдағанда болуы ықтимал D гипервитаминозы симптомдары)

Емі: белсендірілген көмір, асқазанды шаю; қажет болған жағдайда симптоматикалық ем жүргізеді.

Шығарылу түрі және қаптамасы

10 дражеден (қызыл түсті 5 драже дәрумендермен және көгілдір түсті 5 драже минералдармен) поливинилхлоридті/поливинилдихлоридті/поливинил-хлоридті (ПВХ/ПВДХ/ПВХ) және үлбірден және алюминий фольгадан жасалған пішінді ұяшықты қаптамаға салынған.

4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамасында, 25°С-ден аспайтын температурада құрғақ, жарықтан қорғалған жерде сақтау керек.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

КРКА, д.д, Ново место, Словения

Шмарьешка 6, 8501 Ново место, Словения

Тіркеу куәлігінің ұстаушысы

КРКА, д.д, Ново место, Словения

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«КРКА Қазақстан» ЖШС, ҚР, 050059, Алматы қ., Әл-Фараби даңғ. 19, корпус 1б, 2-ші қабат, 207 кеңсе

тел.: +7 (727) 311 08 09

факс: +7 (727) 311 08 12

info.kz@krka.biz

Дәріханалар

Тауар артығымен бар
Тауар аз қалды
Аптека №283
село Косшы ул. Толе Би строение 2А
09:00-22:00