Біздің компаниямыз жайлы жалпы ақпарат.
Дәрілік заттың медицинада қолданылуы жөніндегі нұсқаулық
Пиковит®
Саудалық атауы
Пиковит®
Халықаралық патенттелмеген атауы
Жоқ
Дәрілік түрі
Шәрбат 150 мл
Құрамы
5 млшәрбаттың құрамында
белсенді заттар:
| Ретинол пальмитаты1,7 млн ХБ/г (А дәрумені) | 900 ХБ |
| Холекальциферол 1 млн ХБ/г (D3 дәрумені) | 100 ХБ |
| Аскорбин қышқылы (С дәрумені) | 50,000мг |
| Тиамин гидрохлориді (В1 дәрумені) | 1,000 мг |
| Рибофлавин натрий фосфаты (В2 дәрумені) | 1,000 мг |
| Пиридоксин гидрохлориді (В6 дәрумені) | 0,600 мг |
| Цианокобаламин (В12 дәрумені) | 0,001 мг |
| Никотинамид (РР дәрумені) | 5,000 мг |
| Декспантенол (D – пантенол) | 2,000 мг |
қосымша заттар: агар, трагакант, сахароза, сұйық глюкоза, апельсин майының хош иістендіргіші, грейпфрут хош иістендіргіші, апельсин хош иістендіргіші, полисорбат 80, лимон қышқылы моногидраты, Ponceau 4R (E124) бояғышы, натрий бензоаты, тазартылған су
Сипаттамасы
Қою тұтқыр көзге көрінетін қосылыстары болуы мүмкін ашық-сарыдан қоңыр қызыл сары түске дейінгі жағымды исі және қышқыл дәмі бар сұйықтық.
Фармакотерапиялық тобы
Ас қорыту жолы және зат алмасу. Дәрумендер. Полидәрумендер.
АТХ коды А11BА
Фармакологиялық қасиеттері
Фармакокинетикасы
Пиковит® шәрбатына қатысты фармакокинетикалық деректер жоқ. Жекелеген дәрумендердің организмдегі қажеттілігі белгілі және әдебиетте жазылған.
Суда еритін дәрумендер (В және С тобының дәрумендері)организмнің тәуліктік қажеттілігіне сәйкес мөлшерлерде өте жақсы сіңеді. Тіндердің қанығу деңгейінен асатын мөлшерлер несеппен кейде нәжіспен шығарылады. Олар организмде тек шектеулі мөлшерлерінде шығарылады, сондықтан осы дәрумендерді тұрақты қабылдау тіндердегі қажетті концентрацияларын ұстап тұру үшін маңызды.
Ішу арқылы қабылдағаннан кейін майда еритін А және D дәрумендері майлардың қатысуымен жіңішке ішекте жақсы сіңеді. Майда еритін дәрумендердің едәуір жоғары мөлшерлері бауырда жинақталады.
Фармакодинамикасы
Пиковит® шәрбатының құрамында организмдегі көптеген биохимиялық үдерістерді реттеуге қатысатын тоғыз негізгі дәрумен бар. Дәрумендердің организмдегі әсерлері фармакодинамикалық емес, негізінен физиологиялық. Олар тіршілік үшін маңызды қызметті және жақсы психофизикалық жай-күйді ұстап тұруда маңызды рөлге ие.
А дәрумені әртүрлі заттардың (ақуыздардың, липидтердің, мукополисахаридтердің) синтезіне қатысады және терінің, шырышты қабықтардың, сондай-ақ көру органдарының қалыптықызметін қамтамасыз етеді.
D3 дәрумені организмде кальций мен фосфордың тепе-теңдігін ұстап тұруда маңызды рөл атқарады. Сүйек тінінде ол жеткіліксіз болғанда қальций мөлшері азаяды(остеопороз).
В1дәрумені жүректің қызметін қалыпты етеді және жүйке жүйесінің қалыпты қызмет етуіне ықпал етеді.
В2 дәрумені тіндердің, соның ішінде тері жасушаларының регенерация үдерісіне ықпал етеді.
В6 дәрумені сүйектің, тістің, қызыл иектің құрылымы мен қызметін сақтауғаәсер етеді;эритропоэзге ықпал етеді, жүйке жүйесінің қалыпты қызмет етуіне әсер етеді.
В12 дәрумені эритропоэзге қатысады, жүйке жүйесінің қалыпты қызмет етуіне әсер етеді. В тобының дәрумендері организмдегі зат алмасуын реттейтін әртүрліферменттердің түзілуіне қатысады.
С дәрумені бірқатар биологиялық белсенді заттардың тотықтануына, дәнекер тіндердегі алмасуына, көмірсу алмасуының реттелуіне, қан ұйығыштығына және тіндердің регенерациясына қатысады, стероидтық гормондардың түзілуін көтермелейді, капиллярлар өткізгіштігін қалыпты етеді. С дәрумені организмнің инфекцияларға төзімділігін жоғарылатады, қабыну реакцияларын төмендетеді.
РР дәрумендері және Д-пантенол – ақуыз метаболизміне, май қышқылдары мен холестерин синтезіне, энергияны өндіруге қатысатын және орталық жүйке жүйесінің қалыпты қызмет етуі үшін қажет коферменттер.
Қолданылуы
- дәрумендерге қажеттіліктің жоғарылауымен қатар жүретін жай-күйлердің алдын алуға
- мектеп жасындағы балалардың қажуында
- дене және жүйке-психикалық жүктемелері жоғарылағанда
- тәбеттің болмауында және тамақтың тұрақты емес, толыққанды емес немесе біркелкі рационында
- өткерген аурулардан кейінгі сауығу кезеңінде
- организмнің инфекциялық және суық тию ауруларына қарсыластығын арттыру үшін
- химиотерапиялық дәрілерді қолдану кезіндегі кешенді емде
Қолдану тәсілі және дозалары
Пиковит® шәрбатын ішу арқылы қабылдайды.
1-ден 3 жасқа дейінгі балалар: шәрбатты тәулігіне 2 рет 1 өлшегіш қасықтан (5 мл).
4-тен 6 жасқа дейінгі балалар: шәрбатты тәулігіне 3 рет 1 өлшегіш қасықтан (5 мл).
7-ден 14 жасқа дейінгі балаларға: шәрбатты тәулігіне 3 рет 1 өлшегіш қасықтан (5 мл), ең жоғарғы доза - тәулігіне 4 рет .
Шәрбатты қасықпен беруге немесе шаймен, шырынмен немесе жеміс пюресімен араластыруға болады. Ұсынылған тәуліктік дозадан арттыруға болмайды.
Тәбет болмағанда шәрбатты 1 ай бойы күн сайын беру керек. Қайта қабылдау курсы 1-3 айдан кейін.
Жағымсыз әсерлері
Өте сирек (<1/10000):
- аллергиялық реакциялар
Аллергиялық реакциялар пайда болғанда емдеуді тоқтату және дәрігермен кеңесу қажет.
Қолдануға болмайтын жағдайлар
- препараттың белсенді заттарына немесе қосымша компоненттеріне жоғары сезімталдық
- қант диабеті
Дәрілермен өзара әрекеттесуі
Сульфаниламидтермен емдегенде кристаллурияның дамуын болғызбау үшін С дәруменін жоғары дозаларда қолданудан аулақ болу керек.
Айрықша нұсқаулар
Жоғары сезімталдық реакциясы пайда болғанда препаратты қабылдауды тоқтату керек.
Басқа дәрумендермен және дәруменді-минералды препараттармен бір мезгілде қолданғанда дәрігермен немесефармацевтпен кеңесу керек.
Құрамында рибофлавиннің болуына байланысты несептің сары түске боялуы мүмкін. Бұл әсер қауіпсіз болып табылады.
Пиковит ® шәрбатын қант диабеті бар пациенттерге қолдану ұсынылмайды, өйткені 5 мл (1 өлшегіш қасық) шәрбаттың құрамында3 г қант бар.
1 жасқа дейінгі балаларға шәрбатты тек дәрігердің ұсынысымен және дәрігердің қадағалауымен беруге болады.
Қосымша заттар туралы арнайы ақпарат
Пиковиттің ® құрамында сахароза, глюкоза және азобояғыш Е124 бар.
Фруктозаны көтере алмаушылықтың сирек тұқым қуалайтын формалары,глюкоза/галактоза мальабсорбциясы немесе сахараза-изомальтазатапшылығы бар пациенттерге бұл препаратты тағайындамау керек.
Азобояғыш Е124 аллергиялық реакциялардың дамуын туғызуы мүмкін.
Артық дозалануы
Симптомдары: жағымсыз әсерлерінің күшеюі.
Емі: белсендірілген көмір қабылдау, асқазанды шаю; қажет болғанда симптоматикалық ем жүргізеді.
Шығарылу түрі мен қаптамасы
150 мл шәрбаттан бірінші ашылуы бақыланатын бұралып жабылатын полиэтилен қақпағы бар күңгірт шыныдан жасалған шыны құтыларға құйылған.
Өлшеуіш қасығымен және медициналық қолдану жөніндегі мемлекеттік және орыс тіліндегі нұсқаулығымен бірге 1құты картон қорапшаға салынған.
Сақтау шарттары
Түпнұсқалық қаптамасында, 25 ºС-ден аспайтын температурада, жарықтан қорғалған жерде.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
КРКА, д.д. Ново место, Словения
Шмарьешка 6, 8501 Ново место, Словения
Тіркеу куәлігі ұстаушысының атауы және елі
КРКА, д.д. Ново место, Словения
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«КРКА Қазақстан» ЖШС, ҚР, 050059, Алматы қ., Әл-Фараби д-лы 19, 1б корпус, 2-ші қабат, 207 кеңсе
тел.: +7 (727) 311 08 09
факс: +7 (727) 311 08 12
info.kz@krka.biz