Тауарлардың көрінісі фотосуретте көрсетілгеннен өзгеше болуы мүмкін

Ринт 0,05 мг/г 10мл спрей назальный увлажняющий

1660
Қолжетімділігі
Сатылымда бар
Үлгі
4823002224474
Елі
Украина
Өндіруші
Фармак ПАО
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Ринт ылғалдайтын

Саудалық атауы

Ринт ылғалдайтын

Халықаралық патенттелмеген атауы

Оксиметазолин

Дәрілік түрі

Мұрынға арналған спрей 0.5 мг/мл

Құрамы

1 мл препараттың құрамында

белсенді зат: 100 % құрғақ затқа шаққанда 0,5 мг оксиметазолин гидрохлориді;

қосымша заттар: түймедақ майы; эвкалиптол; бензалконий хлориді; динатрий эдетаты (трилон Б); бензил спирті; глицерин; полиэтиленгликоль 400 (макрогол 400); повидон; натрий карбоксиметилцеллюлозасы – микрокристалды целлюлоза; натрий дигидрофосфаты, дигидрат; натрий гидрофосфаты, додекагидрат; инъекцияға арналған су.

Сипаттамасы

Өзіне тән иісі және тиксотропты қасиеттері (тұрған кезде қоюланады және шайқаған кезде сұйылады) бар мөлдір емес, ақшылдау, гель тәрізді сұйықтық немесе ерітінді.

Фармакотерапиялық тобы

Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Оксиметазолин.

АТХ коды R01АА05.

Фармакологиялық қасиеттері

Фармакокинетикасы

Препараттың әсері тез (қолданғаннан кейін бірнеше минуттан соң) басталады.

Емдік концентрацияларында мұрынға жергілікті қолданған кезде мұрынның шырышты қабығын тітіркендірмейді, гиперемия туғызбайды. Жартылай шығарылу кезеңі препаратты қолданғаннан кейінгі 35 сағатқа жуықты құрайды.Препараттың 2,1 %-ы бүйрекпен, 1,1 %-ға жуығы – нәжіспен шығарылады.

Препараттың әсер ету ұзақтығы – 12 сағатқа дейін.

Фармакодинамикасы

Ринт ылғалдайтын тамырды тарылтатын жергілікті дәрілер тобына жатқызылады. Оксиметазолин мұрын шырышты қабығының ісуін баса отырып,симпатомиметикалық және тамырды тарылтатын әсер береді. Жағылған жерде тамырларды тарылтады, мұрынның шырышты қабығының және жоғарғы тыныс алу жолдарының ісінуін басады, мұрыннан шығатын бөліністерді азайтады. Мұрынмен тыныс алуды қалпына келтіреді. Мұрынның шырышты қабығының ісінуін басуы қосалқы қойнауларының, ортаңғы құлақ қуысының аэрациясын қалпына келтіруге ықпал етеді, бактериялық асқынулар дамуының алдын алады. Түймедақ майы мен эвкалиптол қабынуға қарсы жергілікті әсер береді, шырыштың шығуын жеңілдетеді. Препарат мұрын жолдарының тітіркенген шырышты қабығына жайлы әсер етіп, оны ылғалдандырады және шектен тыс құрғап кетуден қорғайды.

Оксиметазолин вирусқа қарсы, қабынуға қарсы, иммунмодуляциялайтын және антиоксиданттық әсер береді. Осы біріктірілген әсер ету механизмінің арқасында, жедел ринит симптомдары (мұрынның бітелуі, ринорея, түшкіру, көңіл күйдің нашарлауы) жылдамырақ және тиімді басылады.

Қолданылуы

- мұрын бітелуімен қатар жүретін жедел респираторлық ауруларда

- аллергиялықринитте

- вазомоторлық ринитте

- мұрын қуысының қосалқы қойнауларының аурулары кезінде дренажын және мұрынмен тыныс алуды қалпына келтіру үшін, евстахиитте

- мұрын жолдарына жүргізілетін диагностикалық манипуляциялардың алдында ісінуді басу үшін

Қолдану тәсілі және дозалары

Әрбір қолданар алдында құтыны қатты сілку керек. Сақтандырғыш қалпақшасын шешіп алу керек. Дозалайтын құрылғыны алғашқы пайдаланар алдында аэрозоль ағыны пайда болғанша оны бірнеше рет басу керек. Ұштықты танауға салып, дозалағыш құрылғыны басу керек, мұрынментерең тыныс алу қажет, ол кезде басты артқа шалқайтудың қажеті жоқ.Содан соң ұштықты келесі танауға салып, емшараны қайталау қажет. Пайдаланғаннан кейін ұштықты тазалап сүртіп, құтыны сақтандырғыш қалпақшамен жабу керек.

Препаратты ересектер мен 6 жастан асқан балаларға - мұрынның әр жолына 1 бүркуден тәулігіне 2-3 рет тағайындау керек. Ұсынылғаннан жоғары дозаларын тек дәрігердің бақылауымен қолданады.

Препаратты 5-7 күннен асырмай қолдану керек. Препаратты тек бірнеше күннен кейін ғана қайта қолдануға болады.

Сақтаған кезде дәрінің қоюланатынын және шайқаған кезде сұйылатынын ескере отырып, әрбір қолданар алдында құтыны қатты сілку керек

Дозалайтын құрылғыны алғашқы қолданар алдында аэрозоль ағыны пайда болғанша оны бірнеше рет басу керек.

Ұштықты танауға салып, дозалағыш құрылғыны басу керек, бұл ретте мұрынмен терең тыныс алу қажет

Басты артқа шалқайтудың қажеті жоқ

Ұштықты келесі танауға салып, емшараны қайталау қажет.

Пайдаланғаннан кейін ұштықты тазалап сүртіп, құтыны қорғағыш қалпақшамен жабу керек

Жағымсыз әсерлері

Жиі (≥ 1% - <10% дейін): мұрынның шырышты қабығының ашыту сезімі немесе құрғауы; түшкіру, әсіресе сезімтал пациенттерде

Жиі емес (≥ 0,1% - <1% дейін): шырышты қабықтың ісінуі (мұрын бітелуі сезімі) күшейе түсуі мүмкін (реактивті гиперемия); жоғары сезімталдық реакциялары (ангионевроздық ісіну, бөртпе, қышыну).

Сирек (≥ 0,01% - <0,1% дейін): жүрек соғуының жиілеуі, тамыр соғысының жиілеуі және артериялық қысымның жоғарылауы.

Өте сирек (<0,01% және бірен-саран жағдайлар): мазасыздық, ұйқысыздық, шаршау (ұйқышылдық, жайбарақаттандыратын әсері), бас ауыруы, елестеулер (әсіресе балаларда); аритмия; бронх түйілуі.

Қолдануға болмайтын жағдайлар

- препарат компоненттеріне жоғары сезімталдық

- атрофиялық ринит

- моноаминооксидаза(МАО) тежегіштерін қолданған кезде және МАО тежегіштерімен емдеуді, сондай-ақ артериялық қысымның жоғарылауына ықпал ететін басқа препараттарды тоқтатқаннан кейін 2 апта бойы

- көзішілік қысым жоғарылағанда, әсіресе жабықбұрышты глаукома кезінде

- жүрек-қантамыр ауруларының ауыр түрлері кезінде (мысалы, жүректің ишемиялық ауруы, артериялықгипертензия)

- феохромоцитома

- метаболизмдік бұзылулар (гипертиреоз, қант диабеті, порфирия)

- простата гипертрофиясы

- трансфеноидальді гипофизэктомиядан немесе мидың қатты қабығын ашатын басқа хирургиялық араласуларданкейін

Дәрілермен өзара әрекеттесуі

Артериялық қысымның жоғарылауы қаупіне байланысты, МАО тежегіштерін мен артериялық қысымның жоғарылауына ықпал ететін басқа препараттарды қолдануға болмайды. Тамырды тарылтатын басқа дәрілік заттарды бірге тағайындау жағымсыз әсерлердің даму қаупін арттырады.

Айрықша нұсқаулар

Препаратты ұзақ уақыт пайдаланудан және артық дозалануынан аулақ болу керек. Тамырды тарылтатын препараттарды ұзақ уақыт немесе жиі қолдану препарат тиімділігінің азаюына алып келеді, сондай-ақ, оларды дұрыс пайдаланбау мұрынның шырышты қабықтарының атрофиясы мен ісінуін туғызуы мүмкін.

Оксиметазолинді созылмалы ринитті емдеу үшін тағайындағанда, мұрынның шырышты қабығының атрофиясы қаупін болдырмау үшін, тек дәрігердің қадағалауымен қолдану қажет.

Имидазолин туындыларының жоғары дозаларын жиі қолданғанда мұрын жолдарының реактивті іркілісіне (бітелуіне) алып келуі мүмкін. Сондықтан, препарат емдеуді бастағаннан кейін 5-7 күннен асырмай қолданылады.

Келесі жағдайларда препаратты қолданудың қаупі мен пайдасын мұқият бағалаудан кейін ғана қолдануға болады:

  • моноаминоксидаза тежегіштерімен (МАО тежегіштерімен) және қан қысымын жоғарылату қабілеттілігі зор басқа препараттармен емделіп жүрген пациенттер
  • көзішілік қысымның жоғарылауы, әсіресе, жабықбұрышты глаукома
  • ауыр жүрек-қантамыр аурулары (мысалы, коронарлық ауру, гипертензия)
  • феохромоцитома
  • метаболизмдік бұзылыстар (мысалы, гипертиреоз, диабет)

Педиатрияда қолданылуы

Мұрынға арналған Ринт ылғалдайтын 0.5 мг/мл спрейі ересектер мен мектеп жасындағы балаларға (6 жастан бастап және одан үлкен) тағайындалады. Мұрынға арналған Ринт ылғалдайтын 0.5 мг/мл спрейі 6 жасқа дейінгі балаларда қолданылмауы тиіс.

Жүктілік немесе лактация кезеңінде

Бұл препаратты жүктілігінің бірінші триместрі бойына қабылдаған әйелдердің шектеулі санынан алынған деректер, оксиметазолиннің әсерінің салдарынан жүктілікке немесе шарананың / жаңа туған нәрестенің денсаулығына әсер етуі мүмкін қандай-да бір жағымсыз реакциялардың дамығанын көрсеткен жоқ. Мұрынға арналған Ринт ылғалдайтын 0.5 мг/мл спрей препаратын жүктілік кезінде пайдасы/қаупінің арақатынасын мұқият бағалағаннан кейін пайдалану керек. Жүктілік немесе бала емізу кезінде қолданғанда ұсынылған дозасын арттырмау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Мұрынға арналған Ринт ылғалдайтын 0.5 мг/мл спрейін ұсынылғанынан артық дозаларында ұзақ уақыт қолданғаннан кейін, жүрек-қантамыр жүйесі мен орталық жүйке жүйесіне жалпы әсер ететінін жоққа шығаруға болмайды. Мұндай жағдайларда көлік құралын немесе жабдықтарды басқару қабілеті төмендеуі мүмкін.

Артық дозалануы

Симптомдары: мидриаз, жүрек айнуы, құсу, цианоз, температураның жоғарылауы, түйілулер, тахикардия, пальпитация, аритмия, жүрек-қантамыр жеткіліксіздігі, жүректің тоқтап қалуы, тершеңдік, ажитация, конвульсиялар, артериялық гипертензия, өкпенің ісінуі, тыныс алу бұзылыстары, бозару, миоз, гипосмия, психикалық бұзылыстар.

Бұдан өзге, орталық жүйке жүйесі тарапынан функцияның әлсіреуі туындауы мүмкін, ол ұйқышылдықпен, дене температурасының төмендеуімен, брадикардиямен, артериялық гипотензиямен, апноэ және кома дамуы мүмкіндігімен көрініс береді.

Емі: асқазанды шаю, белсендірілген көмірді қабылдау, өкпені желдету. Артериялық қысым төмендегенде фентоламинді қолдану керек.Вазопрессорлық дәрілерді қолдануға болмайды. Қажет болған жағдайда құрысуға қарсы емді қолдануға болады.

Шығарылу түрі және қаптамасы

Мұрынға арналған бүріккіші бар сорғы-дозатормен жабдықталған қоңыр түсті шыны құтыларға 10 мл препараттан құйылған.

Құтыға өздігінен жабысатын заттаңба жапсырылады.

Әр құты медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Түпнұсқалық қаптамасында, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)

«Фармак» ЖАҚ Қазақстан Республикасындағы өкілдігі

Қазақстан Республикасы, Алматы қ., индексі 050012, Амангелді к-сі, 59 "А", "Шартас" бизнес орталығы, 9 қабат. Тел./факс: +7(727) 267 63 73, электронды пошта: а.aspetova@farmak.kz


Дәріханалар

Тауар артығымен бар
Тауар аз қалды
Аптека №283
село Косшы ул. Толе Би строение 2А
09:00-22:00