Сипаттама
Дәрілік препаратты медициналық қолданужөніндегі нұсқаулық (қосымша парақ)
Саудалық атауы
ТераФлю ЛАР
Халықаралық патенттелмеген атауы
Жоқ
Дәрілік түрі, дозалануы
Жергілікті қолдануға арналған спрей
Фармакотерапиялық тобы
Ас қорыту жолы және зат алмасу. Стоматологиялық препараттар. Ауыз қуысы ауруларын жергілікті емдеуге арналған микробқа қарсы препараттар. Бензоксоний хлориді.
ATX коды А01АВ14
Қолданылуы
Ауыз қуысы мен жұтқыншақ инфекцияларын симптоматикалық емдеу (жергілікті дезинфекциялайтын және ауырсынуды басатын әсері): фарингит, ларингит, суық тию кезіндегі тамақ ауруы, стоматит, афтоздық жаралар, гингивит. Тонзиллитті емдеуде көмекші құрал ретінде де қолданылады.
Дәрілік препаратты қолданудың басталуына дейінгі қажетті мәліметтер тізбесі
Қолдануға болмайтын жағдайлар
- бензоксоний хлоридіне және басқа аммиак қосылыстарына; лидокаин гидрохлоридіне және амид қатарының басқа жергілікті анестетиктеріне немесе препараттың құрамына кіретін қосымша заттардың кез келгеніне жоғары сезімталдық
Қолдану кезіндегі қажетті сақтандыру шаралары
Егер тамақ ауруы дененің жоғары температурасымен бірге жүрсе, жұту кезінде қиындықтар болса, сондай-ақ емдеу оң динамика бермесе және симптомдар 5 күннен астам уақыт бойы сақталса, пациенттерге дәрігермен немесе фармацевтпен кеңесу керек.
Препаратты тамақ немесе сұйықтықты ішу кезінде немесе ішкеннен кейін бірден қабылдауға болмайды. Лидокаиннің анестезиялық әсері жұтуды қиындата отырып, тілдің және ауыз қуысының шырышты қабығының уақытша жансыздануын тудыруы мүмкін.
Препаратты ауыздың шырышты қабығы мен жұтқыншақтың кесілуі кезінде, тілінген, жыртылған немесе қатты қан кеткен жаралар сияқты зақымданулары болған кезде сақтықпен қолдану керек.
Препараттың көзге түсуінен сақтану керек. Бүрку кезінде препаратпен дем алмаңыз. Бүріккіш-саптамасы зақымданған жағдайда препаратты қолдануға болмайды.
4 жасқа толмаған балаларға ТераФлю ЛАР препаратын қолдануға болмайды
Басқа дәрілік препараттармен өзара әрекеттесуі
Басқа да төрттік аммоний қосылыстары кезіндегі сияқты ТераФлю ЛАР препаратының құрамына кіретін бензоксоний хлоридінің тиімділігі анионды беттік белсенді заттармен, мысалы, тіс пастасымен бір мезгілде пайдаланғанда төмендейді. Сондықтан, Терафлю ЛАР-ды тісті тазалағанға дейін немесе одан кейін бірден қолдануға болмайды.
Арнайы сақтандырулар
Қосымша заттар туралы ақпарат
Этанол (93,8 мг/мл)
Терафлю ЛАР құрамында бір дозаға 50 мг этанолдың (алкогольдің) шамалы мөлшері бар, бұл бір дозаға 100 мг/мл-ге (12.4% айн/айн) 100 мг-ден кем балама, осыған байланысты препарат зақымдалған теріге түскен кезде ашытып күйдіру сезімі пайда болуы мүмкін.
Жүктілік: жануарларға эксперименттік зерттеулерде жеке және/немесе біріктіріп енгізілетін бензоксоний хлориді мен лидокаин гидрохлориді тератогендік әлеуетін көрсетпеді, сондай-ақ ұрықтың ұрпақ өрбіту функциясына немесе дамуына теріс әсер етпеді.
Лидокаин плацента арқылы өту қабілеті бар.
Алайда, жүкті әйелдерде бақыланатын зерттеулер жүргізілмегендіктен, препаратты жүктілік кезінде, әсіресе бірінші триместрде қолданудан аулақ болу керек.
Қажет болған жағдайда, емнің ең қысқа кезеңінде нәтижесіне қол жеткізу үшін қажетті препараттың ең аз дозасын қолдану керек.
Лактация
Емшек сүтімен бензоксоний хлоридінің бөлінуі туралы мәліметтер жоқ.
Лидокаиннің аз мөлшері емшек сүтімен шығарылады.
Препаратты емшек емізу кезінде қолдануға болмайды.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
ТераФлю ЛАР-дың көлік құралдарын басқару және механизмдермен жұмыс істеу қабілетіне әсері бойынша зерттеулер жүргізілген жоқ.
Қолдану жөніндегі нұсқаулар
Дозалану режимі
Ұсынылған дозадан немесе қабылдау жиілігін асыруға болмайды. Басқа антисептиктермен бір мезгілде пайдаланбаңыз. Емнің ең қысқа кезеңінде нәтижесіне қол жеткізу үшін қажетті препараттың ең аз дозасын қолдану керек. Тамақ ауруы дене температурасының жоғарылауымен, жұтылу кезінде қатты қиындықпен қоса жүрсе, жағдай жақсармаса немесе белгілер 5 күннен артық сақталса, дәрігерге немесе фармацевтке кеңесіне жүгіну қажет.
Препаратты тамақтану кезінде немесе тамақтану және сұйықтық ішу алдында қолдану ұсынылмайды.
Ересектер (егде жастағы адамдарды қоса) және 12 жастан асқан балалар: қолданудың арасы 2-3 сағаттан кем болмайтын аралықпен тәулігіне 3-6 рет қолданады. Әрбір қолданғанда сауытты тік қалпында ұстап, 4 рет бүркиді. Алынған дозасы шамамен 0,5 мл құрайды.
4-тен 11 жасқа дейінгі балалар: әр қолданғанда 2-3 рет бүрку арқылы қолдану арасында 2-3 сағаттан кем болмайтын аралықпен тәулігіне 3-6 рет.
Балаларда ересектердің бақылауымен ғана қолданылуы керек. Бүрку кезінде тыныс алуды ұстай алмайтын балаларда қолдануға болмайды.
Енгізу әдісі мен жолы
Жергілікті.
Қорғаныс қақпақшасын алып тастаңыз. Бүріккіш-саптаманы құтының жоғарғы жағына оған баса отырып орнатыңыз. Бірінші қолданар алдында біркелкі бүрку пайда болғанға дейін бүріккішке бірнеше рет басыңыз. Спрей қолдануға дайын. Құтыны тік ұстай отырып, ауыз қуысына немесе жұтқыншақтың артқы жағына бүркіңіз. Бүрку кезінде тыныс алуды ұстап тұру керек. Процедураны жүргізгеннен кейін бүріккіштің саптамасын тазалап, кептіріңіз. Содан кейін саптаманы алып тастаңыз және келесі қолданғанға дейін картон қаптамаға қайта салыңыз. Инфекцияның таралуын болдырмау үшін бүріккіштің саптамасын тек бір адамның қолдануы керек. Спрейдің құтысына қорғаныш қақпақшасын кигізіңіз.
Емдеудің ұзақтығы
Егер препаратты қабылдағаннан кейін 5 күннің ішінде симптомдардың жеңілдігі байқалмаса, дәрігерге хабарласу керек.
Артық дозалану жағдайында қабылдау қажет болатын шаралар
Бензоксоний хлориді
Симптомдары
Басқа төрттік аммоний қосылыстары сияқты, бензоксоний хлоридінің көп мөлшерін абайсызда қабылдау жүректің айнуы мен құсуды тудыруы мүмкін.
Емі
Симптоматикалық ем. Қажет болса, тыныштандыратын дәріні беру керек. Құсуды қоздырудан және асқазанды жуудан аулақ болу керек. Бірден сүт ішуге немесе суда шайқалған жұмыртқаның ақуызын жеуге кеңес беріледі. Сіңірілуін күшейтетін алкогольді ішуден аулақ болу керек.
Лидокаин
Лидокаинмен улану негізінен абайсызда көктамырға енгізу кезінде артық дозалануына байланысты және орталық жүйке жүйесіне (ОЖЖ) және жүрек-қантамыр жүйесіне елеулі әсер етеді, қысымның төмендеуімен, жүректің тоқтауымен, брадикардия, демнің тоқтауымен, сіңірдің тартылуымен, комамен, жүректің тоқтауымен, тыныс алудың тоқтауымен және өліммен бірге жүреді.
ТераФлю ЛАР-дың көп мөлшерін қабылдау лидокаинмен улануға әкелуі мүмкін. ОЖЖ тарапынан лидокаиннің тұтқыр ерітінділерін қабылдағаннан кейін балалар мен ересектердің арасындағы сіңірдің тартылуы және өлім жағдайлары, сондай-ақ лидокаин ерітіндісінің 4% шаю сияқты реакциялар туралы хабарламалар келіп түсті.
Емі
Симптоматикалық. Жүрек-қан тамырлары және тыныс алу жүйесінің қызметін, сондай-ақ сіңірдің тартылуын бақылау.
ТераФлю ЛАР препаратының көп мөлшерін кездейсоқ немесе әдейі қабылдаған барлық пациенттерді дереу медициналық тексеру үшін дәрігерге жіберу керек.
Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажетіне қарай)
Жиі
- ауыз қуысындағы жайсыздық
Сирек:
- диспноэ
-бөртпе, қышыну
- аса жоғары сезімталдық реакциялары (беттің, еріннің, тілдің және тамақтың ісінуін қоса)
- 2 аптадан артық қолданған кезде тілдің және/немесе тістің қоңыр түске боялуы мүмкін.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
100 мл спрейдің құрамында
белсенді заттар: бензоксоний хлориді 0.2 г,
лидокаин гидрохлориді 0.15 г
қосымша заттар: глицерин, 96 % этанол, 0.1 М хлор сутек қышқылы, жалбыз майы, левоментол, тазартылған су.
Сыртқы түрінің, иісінің, дәмінің сипаттамасы
Жалбыз иісі бар мөлдір түссіз ерітінді.
Шығарылу түрі және қаптамасы
Тығыздығы жоғары полиэтиленнен жасалған құтыларға препараттың 30 мл-нен.
1 құтыдан дозалау құрылғысымен, пластикалық қорғаныш қақпағымен, полипропилен саптамасымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қаптамаға салынған.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
30 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептсіз
Өндіруші туралы мәліметтер
Doppel Farmaceutici S.R.L., Кортемаджиоре, Италия
Via Martiri Della Fiobe 1, Cortemaggiore (PC), Italy
hadia.x.chevallier-bensalem@gsk.com
Тіркеу куәлігінің ұстаушысы
GSK Consumer Healthcare SARL,
Route de l’Etraz 1260, Нион, Швейцария
Тел/факс: +41313220370/ +41313220419
dario.2.donatti@gsk.com
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ГСК КХ КАЗАХСТАН» ЖШС
Алматы қ., Манас көш., 32А.
тел. +7 (727) 2446999,
факс +7(727) 2446997
EAEU.PV4customers@gsk.com (жағымсыз құбылыстар туралы хабарламалар үшін)
UA-CIS.LOC-PQC@gsk.com (препараттың сапасына қатысты шағымдар туралы хабарламалар үшін)
