Сипаттама
Дәрілік затты медициналық қолдану жөніндегі
НҰСҚАУЛЫҚ
Тонзилгон® Н
Саудалық атауы
Тонзилгон® Н
Халықаралық патенттелмеген атауы
Жоқ
Дәрілік түрі
Ішуге арналған тамшылар, 100 мл
Құрамы
100 г препарат құрамында:
белсенді заттар:
Сулы-спирт экстрактісінде29.0 г
(экстрагент: этанол 59%(көлем/көлем))
Жалбызтікен тамыры0.4 г
Түймедақ гүлдері 0.3 г
Қырықбуын шөбі 0.5 г
Грек жаңғағының жапырақтары 0.4 г
Мыңжапырақ шөбі 0.4 г
Емен қабығы 0.2 г
Дәрілік бақ-бақ шөбі 0.4 г
қосымша заттар:
тазартылған су71.0 г
Сипаттамасы
Түймедаққа тән иісі бар сарғыш-қоңыр түсті мөлдір немесе сәл бұлыңғырлау сұйықтық. Сақтау барысында шөгінді түзілуі мүмкін
Фармакотерапиялық тобы
Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.
АТХ коды R02АА20
Фармакологиялық қасиеттері
Фармакокинетикасы
Белсенді заттарының бәрі бірдей толық зерттелмегендіктен, фармакокинетикасы мен биожетімділігіне зерттеулер жүргізілмеген.
Фармакодинамикасы
Тонзилгон® Н иммуномодуляторлық, қабынуға қарсы, антиоксиданттық, бактерияға қарсы және вирусқа қарсы қасиеттер иеленеді.
Зерттеулер нәтижелері Тонзилгон® Н иммуномодуляторлық белсенділікке иелене отырып, фагоциттер мен табиғи жасуша киллерлердің пайызын арттыратынын көрсетті. Іn vitro және in vivo зерттеулерінде қабынуға қарсы және антиоксиданттық белсенділігі көріністелді.
Тонзилгон® Н бактерияға қарсы және вирусқа қарсы әсерлерін пневмококктар (S. Pneumoniae) және респираторлық-синцитиальді вирустар, респираторлық инфекцияларды туындататын бактериялар мен вирустардың штаммдары мөлшерін in vitro анықтау тұсында да көрсетті.
Қолданылуы
- жоғарғы тыныс жолдарының жедел және созылмалы ауруларының (тонзиллит, фарингит, ларингит) профилактикасы және емдеу
- респираторлық вирустық инфекциялар кезіндегі асқынулардың профилактикасы және бактериялық инфекциялар кезіндегі антибиотиктермен емге толықтыру ретінде
Қолдану тәсілі және дозалары
Жедел ауруларда
Ересектер мен 12 жастан үлкен балалар күніне 5-6 рет 25 тамшыдан ішеді.
Мектеп жасындағы балалар (6-12 жас) күніне 5-6 рет 15 тамшыдан ішеді.
Мектеп жасына дейінгі балалар (2-5 жас) күніне 5-6 рет 10 тамшыдан ішеді.
Жедел симптомдардың жойылуынан кейін емдеуді кемінде бір апта бойы жалғастырған жөн.
Жедел симптомдардың жойылуынан кейін:
Ересектер мен 12 жастан асқан балалар күніне 3 рет 25 тамшыдан ішеді.
Мектеп жасындағы балалар (6 жастан үлкен) күніне 3 рет 15 тамшыдан ішеді.
Мектеп жасына дейінгі балалар (2 жастан үлкен) күніне 3 рет 10 тамшыдан ішеді.
Тамшыларды жұтар алдында оларды ауызда біраз уақыт ұстап, сұйылтылмаған күйде қабылдайды.
Дозалау кезінде құтыны тік қалыпта ұстаңыз. Қолданар алдында шайқау керек.
Жағымсыз әсерлері
болуы мүмкін:
- асқазан-ішек жолының бұзылулары
- аллергиялық реакциялар
Аллергиялық реакцияның алғашқы белгілерінде Тонзилгон® Н тамшыларын ішуді тоқтату керек.
Қолдануға болмайтын жағдайлар
- дәрілік препарат компоненттерінің қандай да біріне жекеше жоғары сезімталдық
- түймедақ гүлдеріне айқаспалы деп аталатын реакциялар салдарынан болатын күрделі тұқымдас гүлдер өсімдіктеріне, мысалы, жусан, мыңжапырақ, бақытгүл, дәстүргүлге белгілі аллергия
- 2 жасқа дейінгі балаларға
Дәрілермен өзара әрекеттесуі
Бактерияға қарсы дәрілік заттармен біріктіруге болады және ол мақсатқа сай. Басқа дәрілік заттармен өзара әрекеттесуі белгісіз.
Айрықша нұсқаулар
Осы дәрілік препарат құрамында 19% (к/к) спирт бар.
Препаратты алкоголизмнен зардап шегетін немесе алкоголизмнен емделу курсын сәтті аяқтаған пациенттер қабылдамауы тиіс. Алкоголь мөлшері бауыр аурулары немесе эпилепсиясы бар пациенттерсияқты жоғары қауіп тобының пациенттерінде ескерілуі тиіс.
Егер симптомдар сақталса немесе ентігу, қызба, іріңді немесе қан аралас қақырық білінсе, дәрігермен кеңесіңіз.
Пайдалану кезінде құтыны тік қалыпта ұстаңыз.
Сақталған уақытта бұлыңғырлануы немесе аздаған шөгінді түзілуі мүмкін. Бұл препарат тиімділігіне әсер етпейді.
Қолданар алдында шайқау керек!
Жүктілік және лактация кезеңі
Жүктілік және бала емізу кезеңіндегі жеткілікті деректерінің болмауына орай, препаратты осы кезеңде қолдануға кеңес берілмейді.
Жүкті әйелдерге Тонзилгон®Н тамшыларын ішуге кеңес берілмейді. Белсенді зат компоненттерінің немесе олардың метаболиттерінің емшек сүтіне түсу-түспеуі белгісіз. Емшек еметін балалар үшін қауіп жоққа шығарылмайды. Тонзилгон®Н тамшыларын лактация кезеңіндегі әйелдерге қабылдауға болмайды. Туу көрсеткішіне әсері туралы зерттеулер жүргізілмеген.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлікті басқару және аса қауіпті механизмдермен жұмыс істеу қабілетіне әсер етпейді.
Артық дозалануы
Артық дозалану жағдайлары белгісіз.
Симптоматикалық емдеу.
Шығарылу түрі және қаптамасы
Алғашқы ашылуы бақыланатын және бұрандалы қақпағы бар, үстіндегі дозалайтын тамшылатқыш құрылғысымен күңгірт шыныдан жасалған құтыға 100 мл препараттан құйылады. Құтыға өздігінен желімденетін заттаңба жапсырылады.
Медициналық қолдану жөніндегі қазақ және орыс тілдеріндегі нұсқаулықпен бірге 1 құтыдан жиналмалы картон қорапшаға салынады.
Сақтау шарттары
Түпнұсқалық қаптамасында, 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейінгі қолдану кезеңі - 6 ай.
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші
«Бионорика СЕ», Германия
Тіркеу куәлігінің ұстаушысы
«Бионорика СЕ», Германия
Қазақстан Республикасы аумағында тұтынушылардан дәрілік заттар сапасы жөнінде шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Бионорика ҚАЗ» ЖШС
ҚР, 050060, Алматы қ., Жароков к-сі 331 үй, тел.: 250-93-99
e-mail:info@bionorica.kz
